Guillelmus Baderonis filius
Guillelmus (natus anno circiter 1065; mortuus inter 1025 et 1038) fuit Baderonis filius neposque Wihenoci qui inter annos 1075 (vel antea) et 1082 dominium Monemutae, una cum castello ibi in finibus Cambriae et Angliae posito, iussu regis Guillelmi I regis tenuit. Wihenoco a saeculo in coenobium recedente, prole legitimo carente, Guillelmus, etiam iuvenis, huius dominii heres factus est et usque ad mortem tenuit. De Monemuta urbe et de castello a Guillelmo Baderonis f. possessis in textu Libri de Wintonia (anno 1087 confecto) legitur.[1]
- Guillelmus Osberni f.
- Rogerus (comes Herefordiae)
- Wihenocus
- Guillelmus Baderonis f.
- Baderon Guillelmi f.
- Gilbertus Baderonis f.
- Iohannes de Monemuta
- Iohannes Ioh. f.
- Simon VI de Monteforti
- Edmundus Gibbosus
- Thomas (comes Lancastriae)
- Henricus (comes Lancastriae)
- Henricus (dux Lancastriae)
- Blanca Lancastriae
- Henricus IV
- Henricus V
Opus intervicianum Monemutense
Guillelmus uxorem Hadewis, origine ignoto, duxit et ex eam duas filias filiumque unum genuit, scilicet:
- Iveta et Advenia,[2] quarum una, viro quodam "de Cormeliis" nupto, filios tres peperit Guillelmi nepotes, i.e. Ricardum, Robertum et Alexandrum de Cormeliis[3]
- Baderon de Monemuta, qui Guillelmi heres fit in dominio Monemutense et usque in annis 1170/1176 retinuit
Guillelmus insuper filium ex alia muliere genuit, nomine Robertum Wallensem.[4]
Guillelmus abbatiae S. Florentii iuxta Salmurium donavit ecclesiam S. Mariae Monemutensem, coenobium ea pertinens, ecclesiasque alias circum Monemutam iacentes. Hanc donationem Hadewis uxor filiaeque Iveta et Advenia confirmaverunt.[5] Die 18 Martii 1101 aut 1102, eadem ecclesia Monemutensis consecrata est, praesente Guillelmo abbate S. Florentii, obeunte Herveo Britone episcopo Bangoriensi, adstante Bernardo qui eo tempore regis Henrici capellanus meruit, mox reginae Matildae cancellarius, denuo episcopus Menevensis.[6]
Notae recensere
- ↑ Liber de Wintonia f. 180v
- ↑ J. Horace Round, ed., Calendar of Documents Preserved in France: 918-1206: Anjou: part 2 (1899) no. 1133, 1136, 1138
- ↑ W. Dugdale; J. Caley, H. Ellis, B. Bandinel edd., Monasticon Anglicanum (6 voll. Londinii, 1817-1830) vol. 4 p. 597; J. Horace Round, ed., Calendar of Documents Preserved in France: 918-1206: Anjou: part 2 (1899) no. 1139
- ↑ "Robertus Walensis, filius Domni Willelmi": J. Horace Round, ed., Calendar of Documents Preserved in France: 918-1206: Anjou: part 2 (1899) no. 1133, 1136
- ↑ J. Horace Round, ed., Calendar of Documents Preserved in France: 918-1206: Anjou: part 2 (1899) no. 1133
- ↑ J. Horace Round, ed., Calendar of Documents Preserved in France: 918-1206: Anjou: part 2 (1899) no. 1138; cf. William Farrer, An outline itinerary of King Henry the First (Oxoniae, 1920) p. 13 Textus apud archive.org
Bibliographia recensere
- Ellis, Landholders of Gloucestershire (1880) pp. 91-93
- H. Guillotel, "Une famille bretonne au service du Conquérant: les Baderon" in Droit privé et Institutions régionales: études historiques offertes à Jean Yver (Lutetiae: Presses Universitaires de France, 1974) pp. 361-367 (Paginae selectae apud Google Books)
- K. S. B. Keats-Rohan, Domesday people: Prosopography of persons occurring in English documents, 1066-1166 vol. 1 (Boydell & Brewer, 1999) p. 484 et alibi (Paginae selectae apud Google Books)
- Keith Kissack, Mediaeval Monmouth (Monemutae: Monmouth Historical and Educational Trust, 1974)
Nexus externi recensere
- "William FitzBaderon" e Medieval Lands (situs a Carolo Cawley elaboratus apud FMG)