Gubernium Viburgense

Gubernium Viburgense (Russice Выборгская губерния, tr. Vyborgskaja gubernija; Finnice Viipurin lääni; Suecice Viborgs län) fuit pars administrativa Imperii Russici et Finniae, metropolim habens Viburgum (Wiburgum). Gubernium illud, anno 1744 ex parte gubernii Petropolitani creatum, annis ab 1783 usque ad 1796 praefectura Viburgensis (Выборгское наместничество) annisque ab 1802 ad 1811 gubernium Finlandicum (Финляндская губерния) nominabatur, anno 1811 autem, denuo nomine gubernii Viburgensis, in Magnum Ducatum Finlandiae inclusum. Postquam Finnia anno 1917 independentiam declaravit, gubernium Viburgense ad annum 1944 ad rem publicam illam sui iuris pertinebat, annis 1940 et 1941 (cum maior pars gubernii post bellum hibernum in Rem Publicam Sovieticam Socialisticam Carelo-Finnicam Unionis Sovieticae includebatur) exceptis. Anno 1944 enim maior pars gubernii Viburgensis in regionem Leninopolitanam Rei Publicae Sovieticae Foederativae Socialisticae Russicae et in RSS Carelo-Finnicam Unionis Sovieticae inclusa est, gubernium ipsud idcirco abolitum est.

Gubernium Viburgense

Res apud Vicidata repertae:

Gubernium Viburgense: insigne

gubernium
Civitas: Imperium Russicum
Locus: 60°42′33″N 28°44′39″E
Nomen officiale: Выборгская губерния

Fines

Procuratio superior: Imperium Russicum, Finnia

Forma

Caput: Viburgum
Subdivisiones: Stranda County, Euryapyasky Uyezd, Keksgolmsky Uyezd, Kronoborgsky Uyezd, Kjumenskij County, Lapvesiskij County, Salmissky Uyezd, Serdobolsky Uyezd, Yaskisky County

Vita

Incolae: 330 823

Kexholmia caput circuli gubernii Viburgensis fuit.

Accurata totius Wyburgensis districtus nova tabula (ex atlante Ioannis Kirilov)

Nexus externi

• Tabula geographica gubernii Wiburgensis in suas provincias divisi, auctore Iac. Frid. Schmidio

Vicimedia Communia plura habent quae ad Gubernium Viburgense spectant.

Situs geographici et historici: Locus: 60°42′33″N 28°44′39″E