Gerardus Brownlee

Gerardus Brownlee, Anglice saepius Gerry sed nomine pleno Gerard Anthony Brownlee (Christopoli natus die 4 Februarii 1956) est politicus Novae Zelandiae.

Gerardus Brownlee

Res apud Vicidata repertae:

Gerardus Brownlee: imago

Nativitas: 4 Februarii 1956; Christopolis
Patria: Nova Zelandia

Christopoli in Collegio Sancti Bedae educatus, Gerardus Brownlee iuxta patrem lignarius, deinde apud idem collegium praeceptor operam dedit. Ab anno 1996 ad parlamentum Novozelandense legatus est pro circulo Christopolitano Ilam. Factione nationali in comitiis anni 2008 victrice, primo ministro Ioanne Key, minister ab evolutione et energia statim factus est, sed annis 2010 et 2011 ministeria a munitione atque a restitutione Christopolitana suscepit (quae urbs terrae motibus 2010 et 2011 delapidata est). Denuo mense Aprili 2017, aliis inceptis relictis, minister a rebus externis nominatus est a primo ministro Gulielmo English.

Bibliographia

Ioannes Kerry, secretarius civicus Americanus, cum Gerardo Brownlee die 12 Novembris 2016 pictus

• Bryce Edwards, "Political Roundup: A Conservative cabinet reshuffle" in New Zealand Herald (25 Aprilis 2017)
• Martin Van Beynen, "Brownlee already in diplomatic mode" in Stuff (24 Aprilis 2017)
• Michael Wright, "Gerry Brownlee exits Christchurch a controversial, contrary figure" in Stuff (24 Aprilis 2017)
• Audrey Young, "Gerry Brownlee may have little time to make his mark on the Foreign Minister's job" in New Zealand Herald (24 Aprilis 2017)

Ministri rerum externarum Novozelandenses

Iacobus Allen 1919 • Ernestus Lee 1920 • Franciscus Bell 1923 • Gulielmus Nosworthy 1926 • Gordonus Coates 1928 • Iosephus Ward 1928 • Georgius Forbes 1930 • Michael Iosephus Savage 1935 • Franciscus Langstone 1940 • Petrus Fraser 1943 • Fridericus Doidge 1949 • Clifton Webb 1951 • Thomas Macdonald 1954 • Gualterus Nash 1957 • Keith Holyoake 1960 • Normannus Kirk 1972 • Gulielmus Rowling 1974 • Brianus Talboys 1975 • Warren Cooper 1981 • David Lange 1984 • Russell Marshall 1987 • Michael Moore 1990 • Donaldus McKinnon 1990 • Philippus Goff 1999 • Winston Peters 2005 • Helena Clark 2008 • Murray McCully 2008 • Gerardus Brownlee 2017 • Winston Peters 2017 • Nanaia Mahuta 2020 • Winston Peters 2023 Opus geopoliticum • Ministri a rebus externis civitatum Australianarum et Pacificarum hodiernarum Capsae cognatae: Primi ministri Novae Zelandiae