Georgius Percy
Georgius Percy (4 Septembris 1580—1632) fuit explorator et scriptor Anglicus et colonicus Virginiae gubernator.
Vita recensere
Natus est Georgius Percy in Anglia, filius minimus natu Henrici Percy, Comitis Northumbriae, et Dominae Catherinae Neville. Diutissime fuit infirmus, fortasse epilepsia vel asthmate severo patiens. Gradum A.B. in Universitate Oxoniensi anno 1597 abstulit. Cum in universitate esset, sodalis Gloucester Hall et Medii Templi factus est. Percy miles primum in Nederlandico libertatis ab Hispania saeculo 17 ineunte certamine, deinde in Hibernia meruit.
In Virginia recensere
Percy fuit particeps gregis colonorum Anglicorum 105 qui Iacobopolim condiderunt. Ex Anglia Decembri 1696 demigravit et per navigationem ephemeridem scripsit. In Coloniam Virginiam Aprili mense 1607 advectus, certamina colonorum ad tractandos locos morbosque Americanos et Indos Powhatan memoriae mandavit. "Sic quinque menses aerumnosi et miseri vivebamus," in ephemeride scripsit, "adeo quinque hominibus valentibus carentes qui nostra propugnacula custodirent ut occasione utirent."[1][2]
Georgius Percy Annam Floyd duxit,[3] quae unam filiam peperit, Annam Percy, quae vicissim Ioanni West, alii colonico Virginiae gubernatori, nupsit.
Adnotationes recensere
- ↑ Anglice: "Thus we lived for the space of five months in this miserable distress, not having five able men to man our bulwarks upon any occasion."
- ↑ George Percy, "Observations gathered out of a discourse of the plantation of the southern colony in Virginia by the English, 1606," in Jamestown Narratives: Eyewitness accounts of the Virginia Colony, The First Decade, 1607–1617, ed. Edward Wright Haile (Champlain, Va.: Roundhouse, 1998), 100.
- ↑ Gerald Brenan, A History of the House of Percy, from the Earliest Times Down to the Present (Londinii: Freemantle, 1902), vol. II, pp. 208–209.
Bibliographia recensere
- Barbour, Philip L. 1971. The Honorable George Percy, Premier Chronicler of the First Virginia Voyage. Early American Literature 6:7–17.
- Brenan, Gerald. 1902. A History of the House of Percy, from the Earliest Times Down to the Present. Londinii: Freemantle.
- Groves, Jeffrey D. 1999. George Percy. In American National Biography, ed. John A. Garraty et Mark C. Carnes, 17:318–319. Novi Eboraci: Oxford University Press.
- Shirley, John W. 1949. George Percy at Jamestown, 1607–1612. Virginia Magazine of History and Biography 57:227–243.