Galicia (urbs)

urbs regionis Stanislaopolitanae Ucrainae, ducatus Galiciensis antiqui caput

Galicia[1], saepius Halicia[2][3][4][5] (Ucrainice Галич, Halych/Halyč, Polonice Halicz) est urbs in Ucraina ad ripam Tyrae fluminis sita, nunc in regione Ivano-Frankivskensi, medio aevo ducatus Galiciensis caput; ab eo et Galicia regio nomen habet. Incolas 6155 habuit (anno 2021). Est in urbe statio ferriviae a Leopoli ad Czernovicum ducentis.

Wikidata Galicia (urbs)
Res apud Vicidata repertae:
Galicia (urbs): insigne
Galicia (urbs): insigne
Civitas: Ucraina
Locus: 49°6′46″N 24°43′18″E
Numerus incolarum: 6 196
Zona horaria: UTC+2, UTC+3
Situs interretialis
Nomen officiale: Галич

Gestio

Procuratio superior: Ivano-Frankivsk Raion

Geographia

Superficies: 24.67 chiliometrum quadratum
Territoria finitima: Krylos

Vide etiam paginam discretivam: Galicia (discretiva)

Historia recensere

Anno 1138 Galicia in Chronica Hypatii primum memorata est. Saeculis XII–XIV caput ducatus sui iuris. Daniel Romani filius dux Galiciensis etiam regis ("rex Russiae Galiciae et Ladimiriae") titulum ab Innocentio V pontifice Romano anno 1254 accepit. Ab anno 1392 Galicia Polonica facta est. Saeculo quinto decimo sedes archiepiscopalis ritus Latini Halicia Leopolim translata est[2]. Ab anno 1772 in regno Galiciae et Lodomeriae Austriaco.

 
Castelli Galiciensis saeculi XIV reliquiae

Notae recensere

  1. J. G. Th. Graesse, Orbis Latinus, Brunopoli 1972, vol. II, p. 122. Necnon Galecia, Galicz, Galitia, Galitz, Galitza.
  2. 2.0 2.1 "Halicia paucis post annis metropolitana sede, Leopolim delata" Officia propria dioecesium Poloniae, Pars prior (Marietti 1965): d. 21 Apr., In Dedicatione basilicae metropolitanae Leopoliensis, ad mat., le. iv, circa medium; p. 25.
  3. "Cui ad Haliciam Ungarorum turmae specie gratulandi occurrentes" Pastorius, J. (1642) Flori Polonici Seu Polonicæ Historiæ Epitome Nova. Apud F. Hegerum lege hic
  4. "Halicia, Halicz oppidum et castrum" Żebrowski, T. (1887) Index nominum personarum, locorum etc, quae in quinque tomis Historiae Polonicae Joannis Dlugossii occurrunt. Cracoviae: Czas lege hic, p. XL
  5. "Halicia urbs, a qua deinde dictum fuit Haliciae Regnum" Praetorius, M. (1689) Orbis Gothici Liber II. Typis Monasterii Olivensis lege hic p. 224

Nexus externi recensere

  Vicimedia Communia plura habent quae ad Galiciam spectant.
  Situs geographici et historici: Locus: 49°6′46″N 24°43′18″E • GeoNames • Большая российская энциклопедия