Gaius Mucius Scaevola fuit antiquus iuvenis Romanus, audacia clarus.

Mucius Scaevola a Louis Pierre Deseine, anno 1791, Museum Lupariense.
Mucius Scaevola coram Porsenna, a Petro Paulo Rubens depictus.

Cum Porsenna Romam obsideret, Mucius vir Romanae constantiae senatum adiit, et veniam transfugiendi petiit, necem regis repromittens. Accepta potestate, in castra Porsennae venit. Ibi in confertissima turba prope regium tribunal constitit. Stipendium tunc forte militibus dabatur: et scriba cum rege pari fere ornatu sedebat. Mucius illum pro rege deceptus occidit. Apprehensus et ad regem pertractus, dextram accenso ad sacrificium foculo iniecit; hoc supplicii a rea exigens, quod in caede peccasset. Attonitus miraculo rex iuvenem amoveri ab altaribus iussit. Tum Mucius, quasi beneficium remunerans, ait trecentos, sui similes, adversus eum coniurasse. Qua re ille territus bellum, acceptis obsidibus, deposuit.

Haud clarum est si historia Mucii historice sive mythologice est.

Nexus interni

Fontes recensere

De fabula G. Mucii Scaevolae in litteris et artibus recensere

  • Anno 1723 in urbe Praga Bohemiae ad exornandas festivitates in coronatione Caroli VI regis Bohemiae opera Constantia et Fortitudo (italiane Costanze e Fortezza) Ioannis Iosephi Fux in scaenam producta est, quo in opere illae res ad pontem sublicium gestae praedicantur.