Gadidae
Gadidae sunt familia piscium maritimorum ordinis Gadiformium,[2] quae nonnulla genera in commercio piscatorio magni momenti comprehendit, inter quos Gadus, Melanogrammus, Merlangius, et Pollachius.
Plurimae Gadidarum species in aquis temperatis hemisphaerii septentrionalis inveniuntur, sed nonnullae in oceanos subtropicos, subarcticos, arcticosque pervagantur, atque una (Micromesistius australis) in hemisphaerio australi invenitur.
Qui pisces plerumque magnitudinis mediae sunt, et tribus pinnis dorsalibus in latere superiori duabusque pinnis analibus in latere inferiori distinguuntur. Plurimis speciebus est barbella sub mento, quibus utuntur cum in imo mari pascent. Gadidae sunt carnivorae, minoribus piscibus crustaceisque vescentes.[1]
Gadidae sunt valde fecundae, quaque femina nonnullos milliones ovorum quaque fetura ponente. Quod numeros multitudinis magnopere auget ac bene sustinet, unde vicissim piscatio commercialis facilis est.[3]
Notiones taxinomicae de rebus in familia Gadidarum contentis variant. Ratio a FishBase accepta duodecim genera amplectitur.[1] Certa autem genera inter Lotidas (Lota, Brosme) et Phycidas nunc usitate digesta etiam inter Gadidas digeri possunt, inter familias Lotinarum et Phycinarum.[2][4]
Notae recensere
Bibliographia recensere
- Cohen, Daniel M., et al., eds. 1990. Gadiform fishes of the world (order Gadiformes): an annotated and illustrated catalogue of cods, hakes, grenadiers, and other gadiform fishes known to date. Romae: Food and Agriculture Organization of the United Nations. ISBN 9251028907.
- Nelson, Joseph S., Terry C. Grande, et Mark V. H. Wilson. 2016. Fishes of the world, ed. quinta. Hoboken Novae Caesareae: John Wiley & Sons. ISBN 9781119220817 (Adobe PDF), ISBN 9781119220824 (ePub).
Nexus externi recensere
|
Vicimedia Communia plura habent quae ad Gadidas spectant. |
|
Vide "Gadidas" apud Vicispecies. |
|
Situs scientifici: • ITIS • NCBI • Biodiversity • Encyclopedia of Life • WoRMS: Marine Species • Fossilworks |