Fridericus-Gulielmus Lübke

Res apud Vicidata repertae:

Nativitas: 1887; Enkhausen
Obitus: 1954; Slesvicum et Holsatia
Patria: Germania

Fridericus-Gulielmus (vulgo: Friedrich Wilhelm) Lübke (natus 25 Augusti 1887, mortuus 16 Octobris 1954 apud Flensburgum) vir publicus Germaniae et sodalis Christianae Democraticae Unionis Germaniae erat.

Iuventus Munusque recensere

Lübke, frater Hinrici Luebke, qui postea Praeses Foederalis Germaniae electus est, nauta fuit atque annis 1901 - 1920 maribus omnibus navigabat. Bello Orbis Terrarum I in navigio subaqualis militavit. Post bellum finitum Germania naves mercatorias amisit, Lübke fundum emit et agricola laboravit. Bello Orbis Terrarum II legatus militum classis Aarhusii in Dania erat.

Cursus honorum recensere

Lübke, qui post bellum finitum sodalis CDU factus est, 2 Decembris 1946 legatus senatus terrae Slesvici et Holsatiae nominatus est et in hoc officium ad 1950 mansit. Cum anno 1951 Gualterius Bartram (CDU) a magistratu praesidis ministrorum huius terrae foederalis se recedere coactus esset, quod sodalis NSDAP fuisset, Lübke 25 Iunii eius successor creatus est. Cum et paene omnes administri Bartram sodales NSDAP fuissent, Lübke primis diebus et ministeria varia rexit. Propter morbum cancri gravem 11 Octobris 1954 magistratum relinquere coactus est. Dehinc iterum legatus senatus terrae erat. Successor eius Kai-Uwe de Hassel praeses ministrorum creatus est. Paucis diebus post Lübke mortuus est.

Nexus Externi recensere

Curriculum vitae in pagina senatus terrae Slesvici et Holsatiae

Praesides Ministrorum Slesvici et Holsatiae

	Insigne Slesvici et Holsatiae
Theodorus Steltzer (CDU) \|Hermannus Lüdemann (SPD) \|Bruno Diekmann (SPD) \|Gualterius Bartram (CDU) \|Fridericus-Gulielmus Lübke (CDU) \|Kai-Uwe de Hassel (CDU) \|Helimutus Lemke (CDU) \|Gerhardus Stoltenberg (CDU) \|Uwe Barschel (CDU) \|Henning Schwarz (CDU) \|Björn Engholm (SPD) \|Heida Simonis (SPD) \|Petrus Haraldus Carstensen (CDU) \|Torsten Albig (SPD) \|Daniel Günther (CDU)