Franciscus Maspero

Franciscus, vulgo François Maspero (Lutetiae natus die 19 Ianuarii 1932; ibidem die 11 Aprilis 2015 mortuus) fuit editor, scriptor et librarius Francicus.

Franciscus Maspero

Res apud Vicidata repertae:

Franciscus Maspero: imago

Nativitas: 19 Ianuarii 1932; Circumdarium XVI Lutetiae
Obitus: 12 Aprilis 2015; Circumdarium XI Lutetiae
Patria: Francia
Nomen nativum: François Henri Pierre Maspero

Familia

Genitores: Henri Maspero;

Memoria

Sepultura: Sepulchretum Montis Parnassi Lutetiae

Nepos fuit Gastonis Maspero Aegyptologi filiusque Henrici Maspero Sinologi, frater autem Ioannis qui, repugnator contra obsessores, militem Germanum die 24 Iulii 1944 ictu pyrobolico in viis Lutetiae necavit. Qua re statim delata, Ioannes iuxta exercitum Americanum pugnare coepit et mox proelio interfectus est; pater in castra carceralia iuxta Buchenwald missus, ibi anno insequenti mortem obiit; at mater Helena eadem ratione apud Ravensbrück inclusa bello peracto liberata est. Franciscus igitur subito relictus Tout en moi affirme que je suis né le 24 juillet 1944, à l’âge de douze ans et demi ("omne membrum mihi refert me illo die, anno vitae tredecimo dimidiato, natum esse") postea, iam senex, narravit.

Ethnologiae breviter studens, apud librarium laborans, novarum rerum cupidos cognovit Hamilcarem Cabral, Leopoldum Sedar Senghor, Marium de Andrade, Amatum Césaire, Leonem Gontrandum Damas. Ipse mox tabernam librariam in vico Latino anno fere 1957 emit, nomine La Joie de Lire ("gaudium lecturae"), ibique ab anno 1959 libros divulgabat sub signo Editions François Maspero.

Opera

• 1990 (Anaik Frantz, photographa) : Les Passagers du Roissy-Express [de suburbiis Parisiensibus]
• 2003 : Les Abeilles et la guêpe [de vita sua]

Bibliographia

• "François Maspero, éditeur, écrivain et journaliste de gauche" in Libération (13 Aprilis 2015)
• François Maspero, "Entretien avec François Maspero : « Quelques malentendus »" in Période (18 Septembris 2014)
• Edwy Plenel, "François Maspero, ce résistant" in Mediapart (13 Aprilis 2015)
• Catherine Simon, "L'éditeur François Maspero est mort" in Le Monde (13 Aprilis 2015)