Dionysia de Monte Canisio
Dionysia de Anesty, quae a matrimonio altero cognomen de Monte Canisio nacta est (vulgo Dionise de Munchensi; nata ut videtur saeculo XIII ineunte in castro ad oppidum Anastiam comitatús Hertfordiae; mortua post annum 1290 et ante 1304), fuit filia Nicolai de Anastia uxorisque eius, nomine incognito, quae neptis fuit Hamonis Peche comitatús Cantabrigiensis olim praefecti.
Primum Gualterio Langton nupsit.[1] Postea (anno 1234 exeunte), matrimonio amborum altero, nupsit Guarino de Monte Canisio filio altero Guillelmi et nepoti Agnetis de Monte Canisio. Guarinus ex uxore prima Ioanna genuerat filium Ioannem (qui mortuus est iuvenis anno 1247) filiamque Ioannam. Dionysia Guarino peperit filium Guillelmum patris haeres. Guarinus anno 1255 mortuus est. Tertiis nuptiis, ante annum 1260, Dionysiam in matrimonium duxit Robertus Butyller.
Gualterus de Bibbesworth carmen suum didacticum Le tretiz, Anglonormannice scriptum, Dionysiae de Monte Canisio dicavit ut linguam Francogallicam filiis (i.e. filiis mariti sui) doceret, et praesertim rerum ruralium vocabula.
Notae recensere
- ↑ An hic idem fuit qui, frater archiepiscopi Stephani Langton, contra Albigenses militavit, incertus est. Vide e.g. F. M. Powicke, "Bibliographical Note on Recent Work upon Stephen Langton" in English Historical Review vol. 48 (1933) pp. 554-557
Bibliographia recensere
- "Parishes: Anstey" in Victoria History of the Counties of England (Londinii, 1901- ~) Hertfordshire vol. 4 pars 1 (1912), pp. 11-14
- Welbore St. Clair Baddeley, A Cotteswold Manor: being the history of Painswick (Glevi: John Bellows, 1907) pp. 83-90 Textus apud archive.org
- G. E. C.; Vicary Gibbs et al., edd.; The Complete Peerage of England, Scotland, Ireland, Great Britain and the United Kingdom, extant, extinct or dormant (13 voll. Londinii, 1913-1940 1 2 3 4) vol. 9, pp. 421-422
- H. W. Ridgeway, "Munchensi, Warin de (c.1195–1255)" in Oxford Dictionary of National Biography edd. H. C. G. Matthew, Brian Harrison (Oxonii: Oxford University Press, 2004) Situs venalis
- W. Aldis Wright, "Walter de Biblesworth" in Notes and Queries 4a ser. vol. 8 (1871), p. 64 Textus
Nexus externi recensere
- Denise de Anesty apud Gordon/Banks family
- Denyse de Anesty inter haeredes enumerata