Conradus Gorinsky

Res apud Vicidata repertae:

Nativitas: 1936;
Obitus: 18 Augusti 2019;

Conradus Gorinsky (natus die 7 Martii 1936; die 18 Augusti 2019 mortuus), biochemicus et ethnobotanista, fuit inter conditores Superviventiae internationalis.

Filius coloni Poloni, progenies per matrem populi Atorad, natus in pago Parubaru regionis Takutu et Essequebiae superioris Guianae Britannicae, Georgiopoli in eadem colonia educatus est apud Iesuitas. Londinii in collegio Birkbeck et Nosocomio S. Bartholomaei eruditus est. Socius factus est collegii Green apud Oxonienses. Anno 1968 explorationem televisificam Amazoniae cum Roberto Hanbury-Tenison suscepit, qui inter se adsociationem futuram ad populos indigenas protegendos proiecerunt, nomine Primitive Peoples Fund mox conditae, nomine posteriori Survival International ("Superviventia internationalis") hodie celebratae.

De ethnobotania Oxoniae et in Amazonia continuo quaerens, anno 1973 pharmacum e foliis Ichthyothere terminalis ad pisces capiendos iam usitatum ipse a Clibadio sylvestri extraxit ususque medicinales monstravit. ab anno 1988 sub aegide incepti Darwiniani^(en) usus in Guiana arboris Chlorocardii rodiei investigavit. Ipse etenim anno 1996 per litteras patentes pharmaca cunaniolum et rupununinum sibi defendere temptavit,^[1] sed, populo Wapishana usum concedere nolente, abstinuit.

Scripta selecta recensere

1972 (cum D. K. Luscombe, P. J. Nicholls) : "Neuromuscular blocking and local anaesthetic activities of warifteine hydrochloride, an alkaloid isolated from Cissampelos ovalifolia DC." in Journal of Pharmacy and Pharmacology vol. 24 suppl. pp. 147P-148
1973 (cum W. Templeton, Z. A. H. Zaidi) : "Isolation of ichthyothereol and its acetate from Clibadium sylvestre" in Lloydia vol. 36 (1973) pp. 352-353
1975 (cum C. D. Reynolds, R. A. Palmer, B. A. Gorinsky) : "X-ray structure of the curare alkaloid (+)-tubocurarine dibromide" in Biochimica et biophysica acta vol. 404 (1975) pp. 341-344

F. Pearce, "Bio-pirate or saviour of native knowledge?" in New Scientist (22 Iulii 2006) pp. 50-51
Someshwar Singh, "Indigenous Community Bans TNC Researchers" in South-North Development Monitor (Februario 2000)
John Vidal, "Biopirates who seek the greatest prizes" in The Guardian (15 Novembris 2000)
John Vidal, "Conrad Gorinsky obituary" in The Guardian (12 Septembris 2019)