Haec pagina de accola Danapris explicat. Si accolam Nemeni quaeris, vide Beresina Occidentalis.

Beresina[1] (Albaruthenice Бярэ́зіна) est flumen Rutheniae Albae. Longitudinis 613 chm est. Longissimum est flumen, quod in Ruthenia Alba et initium et ostium habet, Prope Dokšicy urbem in regione Vitebscensi oritur et per regiones Minscensem, Mohiloviensem et Homelensem fluit, ut in Danaprim prope vicum Bjaragavaja Slabada (Sloboda Riparia) effundatur. Bobruisca et Borisovium urbes ad Beresinam sitae sunt.

Beresina
Beresina tempore eluvionis vernae
Longitudo 613 chm
Decursus aquae 145 (in ostio) /s
Area systematis 24 500 chm²
Fons Prope Dokšicy urbem
Ostium Danapris
Regio Ruthenia Alba

In pugna ad Beresinam Napoleonis exercitus anno 1812 victus est.

Systema aquarium Beresinense saeculo XIX ineunte constructum et nunc relictum Beresinam per Ulam fluvium cum Duina Occidentali coniungebat.

Notae recensere

  1. Beresīna, Ioannes Radvanus in Radiviliade, p. 132:
                Qua Beresina nitens praetexit arundine ripas.
    Cf. Norae Zabinkovae et Moysis Kirpicznikov Nomina physico-geographica principalia URSS s.v. Березина.

Nexus externi recensere

  Situs geographici et historici: Locus: 54°53′46″N 27°45′20″E, 52°32′59″N 30°15′0″E • OpenStreetMap • GeoNames • Store norske Lexikon • Большая российская энциклопедия