Alexander Nevensis
Alexander Iaroslai filius (Ruthenice antiqua Александръ Ярославичь, tr. Aleksandrʺ Jaroslavičʹ; Russice Александр Ярославич, tr. Aleksandr Jaroslavič), cognomento Nevensis[1] (Russice Невский, tr. Nevskij), natus circa annum 1220 Pereslaviae, mortuus 14 Novembris secundum Calendarium Iulianum (21 Novembris secundum Gregorianum) Gorodets in urbe anno 1263, fuit dux Novogardiae Magnae (annis 1236–1240, 1241–1252, 1257–1259), magnus dux Kioviae (annis 1249–1263), et magnus dux Volodimiriae (annis 1252–1263). Iaroslai magni ducis Volodimiriae filius, Danielis Moscuensis et Demetrii Pereslaviensis et Andreae Gorodecensis pater.
Alexander Nevensis
Obitus: 14 Novembris 1263; Gorodets
Patria: Russia Kioviensis, Ducatus Volodimiriensis
Familia
Coniunx: Alexandra Brecislai filia
Proles: Demetrius Pereslaviensis, Andreas Gorodecensis, Daniel, Basilius Alexandri filius
Familia: Rurici domus, Q32360927
Memoria
Sanctus, orthodoxus (feriae die 23 Novembris)
Insignia heraldica
Proelium Glaciale et alia bella Alexandri recensere
Die 15 Iulii anno 1240, dux Alexander cum exercitu suo copias Sueciae in pugna apud Nevam fluvium vicit, et propterea cognominatus est "Nevensis", seu vulgo "Nevski". Die 5 Aprilis anno 1242 cum copiis suis exercitum Ordinis Livonici (partis Ordinis Teutonici) in terras Ruthenicas invadentem vicit in pugna, Proelium glaciale (Russice Ледовое побоище) vocata, in glacie lacus Peipus. Contra invasiones ex occidente pugnans, dux Alexander cum Orda Aurea, sub cuius iugum Ruthenia tunc erat, pacem sustinebat.
Canonizatio recensere
Anno 1547, Alexander Nevensis ab Ecclesia Orthodoxa Russica canonizatus est. Dies festi sunt 23 Novembris (dies sepulturae) et dies 2 Maii (dies translationis reliquiarum Petropolim).
Notae recensere
Nexus externi recensere
|
Vicimedia Communia plura habent quae ad Alexandrum Nevensem spectant. |
|
|
Lexica biographica: Treccani • Gran Enciclopèdia Catalana • Deutsche Biographie • Store norske leksikon |