40 a.C.n.

Annus 40 a.C.n. e serie paginarum brevium de annis.

Millennia:	millennium 2 a.C.n. · millennium 1 a.C.n. · millennium 1
Saecula:	saeculum 2 a.C.n. · saeculum 1 a.C.n. · saeculum 1
Anni:	(41 a.C.n.) · 40 a.C.n. · 39 a.C.n. · 38 a.C.n. · 37 a.C.n. · 36 a.C.n. · 35 a.C.n. · 34 a.C.n. · 33 a.C.n. · 32 a.C.n. · 31 a.C.n. · (30 a.C.n.)

Eventa recensere

Mense februario Lucius Antonius et Perusini ad deditionem coacti sunt.
Octavianus ad Alpes adversus legatum Marci Antonii, Quintum Fufium Calenum, progreditur qui tum forte obiit. Qua occasione arrepta Octavianus adversarii et legiones et provinciam (Galliam) sibi retinuit.
Marcus Antonius in Italiam rediit et Brundisium obsedit quia incolae portas sibi clauserant : etenim Antonius nec cum proscripto viro, Gnaeo Domitio Ahenobarbo in gratiam redire contra Octavianum dubitaverat nec societatem cum Sexto Pompeio inire. Iam bellum inevitabile videbatur cum et milites et amici utriusque triumviri ad condiciones pacis eos impulerunt :
September/October (?) : Pax Brundisina inter Caesarem Octavianum et Marcum Antonium : Octavianus occidentales provincias Imperii Rommani accepit, Antonius vero orientales, dum Lepidus Africa contentus esse debet. Praeterea Antonius sororem Octaviani, Octaviam, uxorem duxit.

Denarius Q.LABIENVS PARTHICVS.IMP inscriptus. 40 a.C.n.

Circa idem tempus Menas, Pompei libertus, Octaviani legatum Marcum Lurium e Sardinia expulit et insulam occupavit. Ita loco ad Italiae litora vastanda peridoneo potiebatur Sextus Pompeius.

Quintus Labienus et Pacorus (Parthorum regis filius) Syriam occupant et Lucius Decidius Saxa qui a Marco Antonio Syriae praepositus erat in fuga periit. Nam Labienus multos milites Romanos qui sub Bruto Cassioque meruerant ad sese tum convertit. Mox Pacorus Palaestina quoque potitus est, Labienus vero Cilicia, Caria et Asia. Hyrcanus II, quem Iudaeorum ethnarcam Pompeius et Marcus Antonius appellarant in Parthiam tum captivus ductus est postquam Antigonus e Macchabaeorum stirpe quem Parthi regem Iudaeorum fecerant aures eius mutilavit ne summum sacerdotium rursus petere posset (lex Iudaica enim sacerdotes integro corpore esse iubebat).
Herodes Magnus, qui Hyrcani fulcrum fuerat, post Parthicam invasionem in Aegyptum profugus inde Romam venit ubi causa suam agit et tum primum suffragante Marco Antonio a senatu Romano 'rex' appellatur. Quod in praesenti sine effectu erat : regnum enim a Parthis et competitore Antigono armis petendum erat.

Nati huius temporis desiderati (additis natis, hanc formulam remove)