Quantum redactiones paginae "Tyrannis" differant

In tyrannide leges despectae, honesti viri tributis gravati, aerarium per satellites principis expilatum, matronae compressae, viri quondam despectissimi ad amplissimas dignitates provecti. Viri consulares, gloriosissimi [[imperator]]es in carcere necantur; cinaedi, latrones, homicidae invitantur ad convivia principis, ex ipsis compotationibus veniunt in senatum et temulenti maximis consiliis intersunt. Omnia ad arbitrium [[meretrix|meretricium]] geruntur; sed quid dico de meretricibus? Hermaphroditi, ut de lectulo principis descendunt, mutuis libidinibus constuprati, praetura et consulatu funguntur. Satellites tyranni non vino solo inebriantur, sed etiam venenis illis, qui primum obstupefaciunt, deinde hilarant, postremo necant. Omnia aguntur per arbitrium eorum, qui venena ista venditant. Proh pudor! Et vos, cives, non erubescitis cum videtis filias vestras compressas, filios corruptos, maxima vectigalia in convivia principis consumpta? Quid non indignum vobis putatis? Ut ait [[Folengus]], leccare dedetrum?