Conversio industrialis

Revolutio Industrialis aut melius dicta Commutatio Industrialis est periodus historica a mediante saeculo XVIII usque ad iniens saeculum XX, in qua Anglia imprimis, et postea caeterae Europae diciones,maximas commutationes sociooeconomicas, technologicas et culturales in historia humanitatis subierunt ab aevo Neolithico.

Machina vaporaria "Watt" in atrio Scholae Technicae Superioris Matritensis

In locum oeconomiae quae antea de labore manuali versata erat, substituti sunt novi modi industriae et manufacturae. Initium habuit Revolutio in usu machinarum in industria textilicia et in amelioratione processus ferri faciendi. Incremento commercii fautum est a viis melioribus ad bona vehenda, et postea ab inventione traminis ferriviarii, Innovationes quae maximum momentum tulerunt, fuerunt machina vaporaria et machina netrix multiplex, "Spinning Jenny" cognominata, quae incrementa ingentia ad capacitatem textilia producendi prodiderunt. Cum machinae ameliorarentur, et novae machinae excogitarentur, in primis decenniis saeculi XIX, reditus aliarum industriarum necnon agriculturae magnopere augeri coepit.

Itaque hae commutationes quanto summam rerum fabricatarum auxerunt, tanto tempus quo eaedem res fabricabantur diminuerunt, imprimis postquam "Productio Seriale" inventa est, qua varia opera simplicia singulatim cuique opifici assignabantur, ut in serie efficerentur, sine necessitate peritiae diu exercitatae, sumptu producendi ea re diminuto et summa productorum aucta.