Quantum redactiones paginae "Fasti (Ovidius)" differant

 

== Quid sibi proposuerit in Fastis Ovidius ==

Romae [[Fasti]] erant [[calendarium]] a [[Pontifex|pontificibus]] confectum, in quo indicabatur quo die ius dici posset (dies fastus), quo die non posset (dies nefastus, diis sacratus), quo die comitia habere fas esset (dies comitialis) ac nonnulla eventa insignia et praecipuae feriae die suo notabantur. Ita proprietates dierum recensebantur : Fasti in arcanis sacerdotum remanserunt, usque ad annum [[304 a.C.n.]], cum a scriba Gaio Flavio divulgati sunt. Hanc formam sibi elegit Ovidius ad ferias et sacra Romanorum explicanda. Sic propositum suum in ipso opere exponit :

: ''Sacra recognosces annalibus eruta priscis''

Nec notitiam siderum praetereundam putat, sed ortus et occasus suo tempore Fastis inserere vult :

: ''Lapsaque sub terras ortaque signa canam'' ('''I,2''').

 

Nec tamen sacra et ferias tantum describit -quae pars operis nobis certe maximi pretii est- sed etiam causas cur sic celebrentur reddere vult. In quo forte poetam Graecum [[Callimachus|Callimachum]] sequitur, qui Αίτια (latine : Causas) hodie deperdita composuerat. At nihil [[Callimachus]] de Romana religione. Causae ab Ovidio traditae saepe sunt fabulae a posteris commentae, qui non iam significationem priscorum rituum intellegebant ( ut ipse Ovidius !). Quibus periti homines hodie fidem recusant. Item, dum rationem reddit stellarum nominum, multas fabulas e mythologia graeca sumptas refert. Tales narrationes saepe plenas salis vel etiam nonnumquam salaces erudito carmini immiscendo, effugit poeta taedium enumerationis austerae. Hodieque ''Fastos'' Ovidii legere iuvat.