Quantum redactiones paginae "Temistitlana" differant

[[ImagoFasciculus:Tenochtitlan Modell.jpg|thumb|300px|Reconstructio urbis in Museo Anthroplogiae Mexicanae]]'''Temistitlana''' ([[Ioannes Genesius Sepulveda|Sepulveda]]) sive '''Temixtitan''' ([[Ferdinandus Cortesius|Cortesius]]) sive '''Tenustitana''' ([[Petrus Martyr Anglerius|Anglerius]]) sive '''Tenoxtitlan''' ([[Iohannes Iacobus Hofmannus|Hofmannus]]) sive '''Mexicum''' ({{navatlace|Tenōchtitlan|}}) erat [[Urbs capitalis|caput]] imperii [[Aztecus|Azteci]] in insula lacus Tescuci conditum. Urbe plerumque decennio [[1520]] a [[Conquisitatores Hispani|conquistatoribus Hispanis]] [[Ferdinandus Cortesius|Cortesio duce]], deleta est; hodierna [[Mexicopolis]] aedificata est super ruinas, et paulatim Tescuci lacus maxima parte siccatus est.

:[[Mexicum]] igitur, quae urbs Temistitlana quoque nominatur, in occidua meridianaque plaga citra orbem aequinoctalem decima octava parte sita est in palude salsa. Eius regionis, quae altissimis montibus undique continetur, planitiem passuum trecenta circiter milia in orbem patentem duae paludes obtinent continuatis monticulis inter se diremptae, quarum altera dulcis est aquae, altera salsae, sed eaedem parvo freto committuntur, qua commeantibus naviculis, qui urbes in utraque sitas incolunt, commercia exercent inter se. Ceterum dulcis, quae iugibus rivis superne manantibus alitur, in salsam latius patentem influit, quam subiecta terra nitrosa et salsa sic inficit, ut aquae maritimae simillimam reddat et sali conficiendo peridoneam. In salsa igitur pallude Temistitlana condita est, ut in Hadriatico mari Venetiae, eodemque modo duplices vias habet terreas et aqueas, sed multo rectiores et latiores, praesertim terreas, quae transversis aqueis interscissae ligneis pontibus committuntur, tam latis quibusdam ut equites deni invehi simul possint; quaedam etiam viae partim terreae sunt, partim aqueae, itaque tota fere urbs pedibus et naviculis pervadi potest. (''De Orbe Novo'' 5.23.1–21–2)