Quantum redactiones paginae "Mucius Clementi" differant

'''Mutius Clementi''' (natus [[Roma]]e die [[24 Ianuarii]] [[1752]]; mortuus in [[Evesham]] [[Anglia]]e die [[10 Martii]] [[1832]]) fuit [[clavile|clavilista]] ac [[compositor]] ac clavilium fabricator [[Italia|Italicus]]. Filius fabri argentarii [[Roma]]ni et matris [[Germania|Theodiscae]], Clementi fuit infans prodigiosus, qui annos novem natus [[organista]] [[ecclesia paroechialis|ecclesiae paroechialis]] suae institutus, quarto decimo anno suo [[missa]]m composuerat quae publice peracta est. Hoc tempore Anglicus quidam Petrus Beckford eum animadvertens ad [[Anglia]]m adduxit ut in fundo suo [[Blandfordia]]e habitaret, ubi omnem doctrinam et musicam et aliam iuveni praeberi effecit.

 

Mox Clementi famam per [[Europa]]m vulgatam acquisivit tam ut clavilista peritissimus quam doctor clavilis psallendi petitus. Anno [[1782]] ad curiam imperialem [[Austria]]cam invitatus ibi [[Mozart|Wolfgango Mozart]] nanctus est, cum quo, [[Iosephus II|Caesare Iosepho II]] hortato, particeps fuit in certamine [[clavile|clavilis]] psallendi. Licet duo viri victores aequi appellati sunt, fama Mutii postea ab arbitrio Wolfgangi ipsius vitiata est qui patri suo epistulam scribens asseruit Clementi "mechanicum merum esse, et sicut omnes [[Italia|Italicos]], ostentatorem." (Nihilominus Clementi iam civis [[Regnum Britanniarum|Britannicus]] erat.) Opinio Clementi de Mozart multo erat generosior.

 

[[Ludovicus van Beethoven]] verumtamen Mutio Clementi honorem praecipuum habebat et [[sonatas]] eius pro clavile maxime admiratus in operibus suis aemulatus est. Musica eius clavilistica potens et directa est, thematibus simplicibus explicandis usa, et quandam sobrietatem anglicam ostendit prae Theodiscam "anxietatem" musicae Beethoven.

 

Praeter musicam pro clavile, Clementi [[symphonia]]s composuit ex quibus quattuor tantae supersunt, ceteris, nondum editis, casu perditis ab ancilla nepotis eius ([[presbyter|presbyteri]] [[Anglicanus|Anglicani]]), qui nesciens eis ad ignem accendendum usa est.

 

== Opera ==

Opera Clementi notissima sunt illa ad erudendum scripta, scilicet florilegium studiorum pro clavile ''Gradus ad Parnassum'' vocatum, et ''duodecim [[sonatina]]e gradatae''. Attamen res gesta maxima in plusquam centum sonatis pro clavile compositis invenienda est. Istas [[clavilista]] praeclarus [[Ucraina|Ucrainicus]] [[Vladimirus Horowitz]] multum admiratus saepe psallebat et ad animadversionem publicam duxit.