Quantum redactiones paginae "Sextus Afranius Burrus" differant

'''Sextus Afranius Burrus''' (natus ignoto anno, mortuus anno [[62]]) [[praefectus praetorio]] temporibus [[Claudius (imperator)|Claudii]] et [[Nero (imperator)|Neronis]] imperatorum fuit. Pater eius et quidam Sextus fuit, patria [[Vasio Vocontiorum]] in [[Gallia Narbonensis|Gallia Narbonensi]] (ut [[Lucius Duvius Avitus|Lucii Duvii Aviti]]). Tribunus legionis, procurator rerum [[Livia Drusilla|Liviae Drusillae]] ad annum [[29]]. Etiam procurator [[Tiberius (imperator)|Tiberii]], [[Caligula]]e, Claudii. Fuit "''egregiae militaris famae''"<ref>[[Tacitus]], ''Annales'', XII 42,1</ref>. Anno [[51]] [[Agrippina Minor|Agrippinae Minoris]] suadente solus praefectus praetorio factus est<ref>ibidem</ref>. Cum Nero imperium suscepit fidem praetorianorum militum retinuit<ref>''Annales'' XII 69,1</ref>. Cum [[Lucius Annaeus Seneca minor|Seneca]] et Agrippina matre imperatoris primis annis Neronis imperium administravit<ref>Annales, XIII 2,1; 6,3</ref>. Agrippinae caedem recusavit<ref>''Annales'', XIV 7,4</ref>, non interfuit, sed Neronem vituperavit<ref>''Annales'', XIV 10,2</ref>. Cum Nero divortium faceret cum Octavia, id etiam recusavit<ref>[[Cassius Dio]], LXVII 13</ref>. Anno [[62]] mortuus est (veneno a Nerone affectus, ut quidam putant). Eo mortuo etiam auctoritas Senecae apud Neronem fracta erat. Successores Burri praefecti praetorio [[Gaius Ofonius Tigellinus]] et [[Lucius Faenius Rufus]] erant.

 

{{DEFAULTSORT:Afranius Burrus, Sextus}}