Quantum redactiones paginae "Concilium Toletanum III" differant

::''Sancta synodus episcoporum totius Hispaniae, [[Gallia]]e et [[Gallaecia (provincia Romana)|Gallaetiae]] in urbe [[Toletum|Toletana]] praecepto principis [[Recaredus|Reccaredi]] congregatur episcoporum numero LXXII<ref>Privinciarum Lusitaniae, Cathaginensis, Tarraconensis, Gallaeciae et Baeticae</ref>, in qua synodo intererat memoratus Christianissimus [[Reccaredus]], ordinem conversionis suae et omnium sacerdotum vel [[Visigothi|gentis Gothicae]] professionem tomo scriptam manu sua episcopis porrigens et omnia, quae ad professionem fidei orthodoxae pertinent, innotescens cuius tomi ordinem decrevit Sancta episcoporum synodus canonicis applicare monimentis. Summa tamen synodalis negotii penes sanctum Leandrum Hispalensis ecclesiae Episcopum et beatissimum Eutropium monasterii Seruitani abbatem fuit. memoratus vero Reccaredus rex ut diximus, sancto intererat concilio, renovans temporibus nostris antiquum principem [[Constantinus I|Constantinum Magnum]] sanctam [[Concilium Nicaenum Primum|synodum Nicaenam]] sua illustrasse praesentia nec non et Marcianum, Christianissimum imperatorem, cuius instantia Chalcedonensis Synodi decreta firmata sunt; siquidem in Nicaena urbe [[haeresis Ariana]] et initium sumpsit et damnationem meruit radicibus non amputatis'' <nowiki>[...]</nowiki>. ''A vicesimo ergo imperii Constantini principis anno, quo tempore [[haeresis Ariana]] initium sumpsit, usque in octavum annum Mauricii principis Romanorum, qui est [[Recaredus|Reccaredi]] [[590|quartus Regni annus]], anni sunt CCLXXX, quibus [[ecclesia Catholica]] huius haeresis infestatione laboravit: sed favente domino vicit, quoniam fundata est supra petram.''<ref>''Chronicon Iohannis Biclarensis'', 590.1 = vv. 331-368</ref>