Quantum redactiones paginae "Marcellus Boulestin" differant

{{Capsa hominis Vicidata}}

'''Marcellus Boulestin''', nomine pleno natali ''Xavier-Marcel Boulestin'' ([[Pictavium|Pictavii]] anno [[14 Aprilis]] [[1877]] natus;<ref>"14 Aprilis 1877": sic Vicipaedia Francogallica, fonte primario citato</ref> [[Lutetia]]e mortuus die [[20 Septembris]] [[1943]]), fuit diurnarius [[Francogallice|Francogallicus]], [[popina sellariola|restaurator]] [[Londinii]] versatus, [[auctor]] librorum [[Anglice|Anglicorum]] de [[res coquinaria|re coquinaria]]. Ab anno [[1899]], sicut [[Colette]] et [[Curnonsky]] aliique nonnulli, scripta composuit sub aegide [[Willy]] quorum nonnulla sub nomine suo divulgaverit. Popinam '''Restaurant Boulestin''' [[Londinium|Londinii]] condidit, quae usque in annum [[1994]] a successoribus conducta erit.<ref>{{qc|id=Lyon (2023)}}, pluribus fontibus citatis</ref> Liber eius celeberrimus, titulo ''Simple French Cooking for English Homes'' (1923), a recensoribus plurimis laudatus, usque in annum 2011 reimpressus est. In libellis ''[[New Yorker]]'' anno [[1932]] Marcellum Boulestin, eo tempore celeberrimo, Donaldus Moffat "philosophiae mensarum doctorem" (''Doctor of the Philosophy of the Table'') laudavit, "legatum iuxta Anglos in rebus coquinariis, sagacem Franciae optimatem, cosmopolitanum, vigentem lepidumque commentatorem, popinarum Londiniensium omnium optimae gestorem" (''Culinary Ambassador to the English, intelligent gentleman of France, man of the world, essayist of vigor and charm, and proprietor of the best restaurant in London''.<ref>{{qc|id=Moffat (1932)}} fide {{qc|id=Sidney (2014)}}</ref>

 

Studia iurum [[Burdigala]]e suscipiens, ubi iam commentationes criticae de musica apud libellos ''Courrier musical'' scribebat, mox [[Lutetia]]m petivit collaboratorque fit [[Willy|Henrici Gauthier-Villars]], agnomine ''Willy'' (cui a secretis meruit) huiusque uxoris [[Colette]]. Sub nomine suo dialogum ''Le Pacte'' anno (1899) divulgavit. [[Anscharius Wilde|Anscharium Wilde]] moriturum anno fere 1900 observavit ''aged and tired, having drinks at the Grand Café''.<ref>Fide {{qc|id=Bustillos (2016)}}</ref> Angliam bis brevius visitavit fabulamque Anglicam a [[Max Beerbohm]] scriptam Francogallice anno [[1905]] convertit. Amici his annis de eo ipso scribebat, Colette qui personam "Hicksem", ''un garçon précieux'',<ref>[[Colette]], ''Minne'' (1904) fide {{qc|id=Bustillos (2016)}}</ref> et [[Willy]] qui "Blackspot" ab Anglia reditum delineavit, ''un parfait swell londonien''. Sed Willy in memorabilibus post mortem editis characterem "Marcelli" multo pellucidius patefecit:

Ab anno [[1906]] [[Londinium|Londinii]] habitavit ubi scriptores histrionesque aut homosexuales aut bisexuales frequentavit, [[Alfredus Douglas|Alfredum Douglas]] et {{Creanda|fr|Robert Ross (journaliste)|Robertus Ross|Robertum Ross}} olim Anscharii Wilde amicos, [[Gulielmus Somerset Maugham|Somerset Maugham]], {{Creanda|en|Francis Toye|Franciscus Toye|Franciscum Toye}}, [[Cosmo Gordon-Lennox]]. Cum hoc se ab anno [[1911]] decoratorem aedificiorum stylo Francico recentissimo proposuit, bono successu, sed anno [[1914]] Franciam redire statuit: in exercitum receptus in [[Flandria]] militavit librosque breves nonnullos cum pictore [[Ioannes Aemilius Laboureur|Ioanne Aemilio Laboureur]] divulgari curavit.