Quantum redactiones paginae "Andromaque (Racine)" differant

'''Actus I'''ː Orestes a Graecis in Epirum ad Pyrrhum regem missus est ut ab eo Astyanactis mortem exigeret. Simul Pyladi amico fatetur se nulla alia de causa hanc publicam legationem accepisse nisi ut Hermionem iamdiu amorem suum despicientem denuo videre posset, quam a sponso Pyrrho neglegi non ignorat. Cum autem mandatis fungitur, postulatio a Pyrrho indignanter recusatur. Qui statim de Graecorum consilio Andromachen certiorem facit, sperans filii salute voluntatem eius flecti posse. At illa nec beneficiis nec minis movetur atque marito defuncto Hectori fidem aeternam servare velle pergit.