Quantum redactiones paginae "Parodos" differant

In theatro Graeco antiquo tam in [[Tragoedia|tragoediis]] quam in [[Comoedia|comoediis]] '''parodos''' (Graece πάροδος fem.,'introitus') est primus cantus a [[Chorus Graecus|choro]] cantatus tum cum [[Orchestra|orchestram]] intrat<ref>[[Aristoteles]], ''[[De arte poëtica (Aristoteles)|de Arte poetica]]'' 1452bː ''χορικοῦ δὲ πάροδος μὲν ἡ πρώτη λέξις ὅλη χοροῦ''.</ref>. Nam chorus post [[Prologus|prologum]] intrare solebat, quamquam in nonnullis fabulis iam ab initio adest ut in [[Supplices (Euripides)|''Supplicibus'' Euripideis]] et apud Aeschylum in ''[[Persae (Aeschylus)|Persis]]'' et ''[[Supplices (Aeschylus)|Supplicibus]]''. Parodos [[Stropha|strophis]] et [[Antistropha|antistrophis]] constabat quibus nonnumquam epodia accedebant. Longissima esse poterat ut in [[Agamemnon (Aeschylus)|Aeschyleo ''Agamemnone'']] (223 versus), saepe tamen multo brevior erat ut in [[Hercules (Euripides)|Euripideo ''Hercule furente'']] (30 versus). Nonnumquam personae ex scaena alternis cantibus choro in orchestra respondebant (quod genus ''kommos'' appellatur)ː ita apud Euripidem in ''[[Electra (Euripides)|Electra]]'' et ''[[Orestes (Euripides)|Oreste]]'' et ''[[Iphigenia in Tauris|Iphigenia in Tauris]]''. Cantus sequentes ''[[Stasimon|stasima]]'' vocantur quia chorus locum non mutat sed in orchestra remanet.