Quantum redactiones paginae "Alcmaeon (mythologia)" differant

'''Alcmaeon''' [[Amphiaraus|Amphiarai]] ac [[Eriphyle|Eriphyles]] filius in [[Mythologia Graeca|mythologia]] Graeca. Huic pater ad bellum profisci coactus, nequitiam Eriphyles in se aperuit, eique futurae mortis suae vindictam reliquit; qui defuncto patre memor praecepti, ut in patrem pietatem servaret, impius in matrem factus est eamque necavit<ref> Aeneas, in Inferis, "moestamque Eriphylen / Crudelis nati monstrantem vulnera cernit" (Virgilius, Aeneis, VI, v.445). Cf. [[Pausanias]] libro primo ''[[Graeciae descriptio|Graeciae descriptionis]]'' cap. 34 et [[Thucydides]] II.102.</ref>. Huic fabulae a quibusdam additur Alcmeonem, cum postea ob matris caedem furiis agitaretur ("Alcmaeoniae furiae<ref>Propertius, III, 4</ref>"), pervenisse ad fluvium [[Phlegeum]] a quo lustratus est, et cum filiam eiusdem [[Alphesiboea|Alphesiboeam]] adamavisset, donato illi monili, quod matris Eriphyles fuегаt, uxorem illam duxisse. Ceterum cum quondam ad [[Achelous|Acheloum]] fluvium post ea tempora forte rediisset, placuissetque ipsi [[Callirrhoë|Callirhoë]] Acheloi filia, monile, quod superiori coniugi dederat, etiam huic, nuptiarum spe, роllicitum esse. Ad quod repetendum dum proficiscitur, a fratribus Alphesiboeae, Themone et Azione, occisum esse. Qui tamen et ipsi ab eodem mutuis vulneribus petiti, perierunt, vel, ut [[Ovidius]] videtur sentire a filiis Callirrhoës, quos [[Iuppiter]] statim natos Deos fecerat, in ultionem patris occisi sunt.

 

== Fontes ==