Quantum redactiones paginae "Membrana cellulae" differant
Content deleted Content added
Linea 4:
Praeterea membrana per adhaesionem cellularem et [[canalis ionticus|canales ionticos]] efficit ut cellulae [[textus biologicus|textum]] formare et per receptoria communicare possint. Simul [[Onus electricum|onera electrica]] ita separat ut pars intracellularis negativior esset (differentia stabilita inter 30 et 100 [[Voltium|millivoltia]] fluctuat). [[Neuron|Neura]] hanc electricam potestatem per ionticos canales moderantur atque ad signa per corpus transmittenda utuntur.
== De membraneorum lipidorum structura ==
Pars membranae lipidea e phospholipidis et cholesterole constat. Phospholipida ex una parte caput hydrophilum ([[Phosphatum|phosphatum]]) et [[Onus electricum|electrice oneratum]] praebent, ex altera parte duas caudas hydrophobicas et electrice neutras duo ([[Acidum adipatum|acida adipata]]). In aquam mersa phospholipida in duplicem laminam sese sponte constituuntː phosphata ad aquam dirigunt, acida adipata aquam fugientia inter capita tegunt. Fluiditatem membranae conferunt phospholipidaː etenim semper locum mutant et libere meant. Frigore tamen membrana rigidior fit (nam frigus molecularum motum tardat)ː quocirca pisces in aqua frigida viventes plura acida adipata insaturata in cellularum membranis habent quia [[Vinculum chemicum|ligaturae]] duplices angulos in caudis efficiunt prohibentque ne agglutinentur. Econtra, cum calor crescit, ne fluiditas nimia fieret cholesterolis massam augent. Haec lamina duplex moleculas hydrophilas repellit sed [[Gas|gasa]] (O<sub>2</sub>, Co<sub>2</sub>...) et aqua per eam et moleculae in lipidis solubilia (steroida, [[alcohol|alcoholes]], acida adipata) per eam diffunduntur. At corpuscula maiora per [[Vesicula|vesiculas]] membraneas e spatio extracellulari in cellulam ('''endocytosis''') aut ex cellula in spatium extracellulare ('''exocytosis''') vehi possunt. Vesiculae sunt sphaericulae membrana cytoplasmatica circumdatae. Ipsa membrana cellularis enim in vaginae modum bracchia protrudere potest quibus rem extracellularem circumdet. Postquam bracchia coaluere vesicula cum substantia quam capit a membrana discedit et per cellulam meatː quae in vesicula vehuntur a cytoplasmo membrana separantur. Biologistae tribus nominibus endocytosim dividuntː '''pinocytosim''' (Graece πίνειν = bibere) appellant cum cellula guttam liquidi extracellularis velut bibit, '''endocytosim per receptoria''' cum receptoria proteinica primum moleculam externam ligant antequam cum ipsis receptoriis sorberetur, '''phagocytosim''' (Graece φαγεῖν = esse) cum cellula [[Bacterium|bacterium]] aut cellulam vorare videtur (exempli gratia phagocyta [[Systema immunitatis|systematis immunitatis]]). Endocytosi res contraria est exocytosisː tum enim vesiculae ex [[Apparatus Golgianus|apparatu Golgiano]] et [[Reticulum endoplasmaticum|reticulo endoplasmatico]] venientes cum membrana cellulari coalescunt atque substantias (ut [[Hormon|hormona]] in glandulis) quas vehunt extra cellulam dimittunt.
[[Fasciculus:Endocytosis types-it.svg|thumb|Tria genera endocytosis.]]
Proteina in lipidis velut fluctuantː numero lipida quinquagies plura sunt, at massa eorum dimidiam partem totius membranae massae efficit. Biologistae aspectum membranae velut "[[Opus tessellatum|opus tesselatum]] fluidum" descripserunt. Insuper glycolipida et glycoproteina catenas oligosaccharidarum spatium extracellulare versus erigunt.
| |||