Quantum redactiones paginae "Lycia" differant
Content deleted Content added
Linea 3:
==De fabulis heroicis et cultibus==
[[Fasciculus:Lycia-turkey-ancient.svg|thumb|Praecipuae Lyciae antiquae civitates]]
[[Chimaera]] quae e mixtura caprae, leaenae et dracontis ignem spirantis constabat, monstrum Lycium erat, ut indicabat locutio [[Ovidius|Ovidiana]] ''Chimaerifera ... Lycia''<ref>[[Metamorphoses (Ovidius)|Metam]]. VI.339-340. Cf IX.647-648.</ref>. [[Bellerophon]] a rege [[Tiryns|Tirynthio]] in Lyciam missus adiuvante dea [[Athena]] et equo alato [[Pegasus (mythologia)|Pegaso]] eam necavit<ref>''[[Ilias]]'' VI.152-199</ref>. Qui Bellerophon postea cum Solymis bellum gessit et regis [[Iobates|Iobatae]] gener factus in Lycia regnavit ubi maxime honorabatur. Eius nepos, [[Sarpedon]], filius Iovis et Laodamiae (quae filia Bellerophontis erat), Lycios in bellum [[Bellum Troianum|Troianum]] ducebat, [[Ilium|Iliensibus]] obsessis ut auxilium ferret. At a [[Patroclus|Patroclo]] pugna interfectus est, diu dubitante Iove, ut quidem canebat [[Homerus]], an filium periculo erepturus esset<ref>''[[Ilias]]'' II.876-877 et V.471-493 et XVI.419-683</ref>.
Dei Graeci in Lycia maxime honorati fuere [[Apollo]] et mater [[Latona]]. Apollinis oraculum [[Patara|Patarense]] in Lycia cum [[Delphi (urbs Graeciae)|Delphico]] certabat ita ut vulgo dicerent Apollinem in Lycia hiemare, aestate vero Delphis adesse. Sacerdos femina intra fanum cubabat ut in somno a deo adiretur et responsa mane daret<ref>Herodotus, ''Clio'' 182</ref>. Latonae autem dynastes Arbinas maximum templum, ''Letôon'' dictum, Xanthi aedificari iussit in quo postea concilia confoederationis Lyciorum habebantur (nam cultus universae Lyciae communis erat). Ad latera huius templi minores aedes Artemidi et Apollini stabant. In urbe Tlo ''Cronia'' feriae in honorem dei [[Cronus|Croni]] celebrabantur, quae interpretatio Graeca antiqui dei indigenae potuit esse.
| |||