'''''Sus scrofa''''' ([[Carolus Linnaeus|Linnaeus]] anno [[1758]]) est [[Mammalia|mammal]], species generis [[Sus|Suis]] et familiae [[Suidae|Suidarum]], in [[Europa]], [[Africa]] boreali, [[Asia]], et insulis [[Oceanus Pacificus|Oceani Pacifici]] inventa. ''Sus scrofa'' fera commune '''aper''' appellatur; ''Sus scrofa domestica'' est subspecies quae vulgo ''[[porcus]]'' vel simpliciter ''sus'' appellatur.
== De apro in mythologia ==
Animal periculosum venatoribus antiquis erat aper ːaperː certe ingentes apros vicisse inter magna [[Heros|heroum]] facta referebatur. Ita quartus [[Labores Herculis|Herculis labor]] fuit [[aper Erymanthius]]. Et [[Theseus]] laudabatur quod in itinere feram suem Cromyoniam occidisset<ref>[[Plutarchus]], ''Theseus'' 9. [[Ovidius]], ''[[Metamorphoses (Ovidius)|Metamorphoses]]'', VII.435.</ref>. Et [[aper Calydonius]] ab irata [[Artemis|Artemide]] missus ut impietatem regis Oenei puniret circa [[Meleager|Meleagrum]] omnes heroes Graecos illius aetatis in se convertit, quae ultima ante [[Bellum Troianum|bellum Troianum]] fuit, id est patrum eorum qui Troiae pugnaverunt ː [[Peleus]] pater [[Achilles|Achillis]], [[Telamon (mythologia)|Telamon]] pater [[Aiax maior|Aiacis]] etc<ref>[[Ovidius]] libro octavo [[Metamorphoses (Ovidius)|Metamorphoseon]] versus 260-445</ref>. Nec omnes incolumes ex ea venatione redierunt. Ipse [[Ulixes]] in ''Odyssea'' cicatricem dente apri factam in crure praebebat, unde a nutrice adgnitus est<ref>''[[Odyssea]]'' XIX.393-394 et 444-454.</ref>. [[Adonis]] quoque, ille formosus adulescens ab [[Aphrodite|Aphrodita]] in Syria amatus, ex apri impetu perisse dicebatur<ref>Vide etiam mortem [[Croesus|Croesi]] filii apud [[Herodotus|Herodotum]] (I.34-45) qui, cum aprum regionem vastantem venaretur, ab hospite patris Adrasto infelici casu interfectus est.</ref>.
In mythologia Celtica quoque verisimile est aprum magnas partes egisse quoniam [[Signum militare|signa militaria]] [[Gallia|Gallorum]] plerumque apri imaginem praebebant.
