Quantum redactiones paginae "Circe" differant

Postquam una salva nave saevitiam [[Laestrygones|Laestrygonum]] evasit, carmine decimo [[Odyssea|Odysseae]] [[Ulixes]] in insulam Aiaien pervenit, quam multi hodie paeninsulam [[Circeii|Circeiorum]] fuisse existimant (''Monte Circeo'')ː antiqui certe nomen geographicum ex heroina Homerica ducebant. Fortasse antiquitus adhuc insula erat. Postquam [[Laertes|Laerti]] filius fumum in caelum surgentem e colle adspexit, partem comitum [[Eurylochus|Eurylocho]] duce misit qui regionem explorarent. Illi pulchrum palatium invenerunt a lupis leonibusque mansuetis custoditum (etenim homines erant Circae veneficiis in feras transmutati). Tum vocem feminae canentis et textrino operam dantis audieruntː magna voce clamaverunt ut eam accirent. Dum alii comites ipsa dea comiter invitante domum introeunt Eurylochus insidias esse suspicatus retro mansit. Qui cum comites rursus exeuntes non vidisset - nam in [[Sus|sues]] transmutatos in [[Suile|suile]] eos clauserat Circe - ad navem rediit amissos ceteros renuntiaturus. Tum Ulixes inopinata re commotus solus cum gladio comites quaerere decrevit. In itinere deorum nuntius, [[Hermes]], ei occurrit atque antidotem, herbam magicam a deis ''moly'' vocatam, dedit dum et virtutes herbae patefacit et quomodo cum Circe agendum esset. Nam cum [[Magia (mystica)|maga]] et Ulixem veneficiis suis potione permixtis temptasset virgaque frustra tetigisset, ille gladium destrinxit atque mortem minatus est. Tum illa supplex in cubile heroem blandis verbis invitabat. Nec ille prius consensit quam illa magnum sacramentum iurasset non iam malas artes in se exercituram esse. Postea Circe et ceteris formam humanam reddidit. Diu apud eam manserunt epulantes et luxuria delectati donec desiderio patriae [[Ithaca|Ithacae]] rursus se fluctui maris committerent. Tum Circe eos monuit primum apud [[Hades (mythologia)|Haden]] et [[Persephone|Persephonen]] eundum esse in mortuorum regnum, [[Tiresias|Tiresiae]] vatis interrogandi causa. Simul ritus ibi observandos Ulixi patefecit.