Quantum redactiones paginae "Foedus Achaicum" differant

At circa [[280 a.C.n.]]<ref>[[Polybius]] II.41.1 et 11.</ref> quattuor civitates in Peloponneso septentrionali sitae, [[Patrae]], [[Dyme]], Pharae, Tritaia, libertatem adversus [[Macedonia antiqua|Macedones]] et [[Antigonus Gonatas|Antigonum Gonatam]] vindicantes novam confoederationem democratice constitutam condiderunt. Scribam et duos [[Strategus|strategos]] eligebant qui sibi imperarent. Quibus circa 275 accesserunt [[Aegium]], Burra, Keryneia<ref>[[Polybius]] II.41.13-15.</ref>. Ab illo tempore concilia confoederationis Achaicae Aegii fieri solebant. Ab anno 256 unum strategum tantum eligebant qui toti confoederationi praeesset. [[Aratus Sicyonius]], septies et decies strategus renuntiatus usque ad mortem ([[213 a.C.n.]]) augendae confoederationi plurimum contulit ː eversa tyrannide non tantum in sua patria sed etiam in vicinis civitatibus confoederationi ut adhaerescerent eis persuadebat. Ita paucis annis accessere [[Sicyon]], [[Corinthus]], [[Megara]], [[Argos]], [[Aegina (insula)|Aegina]], [[Megalopolis]]<ref>Anno [[234 a.C.n.]]ː [[Plutarchus]] 30. [[Historiae (Polybius)|Polybius]] II.44.6.</ref>, magna pars [[Arcadia]]e, [[Messenia (nomus Graeciae)|Messenia]]<ref>[[Pausanias]] IV.29.7 et 12.</ref>. Nam secundum rerum gestarum scriptorem [[Megalopolis|Megalopolitanum]] [[Polybius|Polybium]] Foederis Achaici propositum idem semper mansit, libertatem et aequalitatem democraticam omnibus praebere expellendis tyrannis et regibus cohibendis ac simul Peloponnesum velut in unam civitatem cogere<ref>''[[Historiae (Polybius)|Historiae]]'' II.42.3</ref>. Iam ipsis Lacedaemoniis validiores erant, qui ne opprimerentur societatem cum [[Aetolia|Aetolis]] fecerunt nec eo minus in foedus Achaicum intrare coacti sunt circa [[195 a.C.n.]]<ref>[[Pausanias]] VIII.30.5 et 51.1</ref>; ita [[libertas|libertatem]] quandam tueri poterant Achaei etiamsi nonnumquam Macedonum regum societatem adversus hostes adfectare cogebantur. Nihilominus secundo bello Macedonico Romanorum societatem inierunt adversus [[Philippus V (rex Macedonum)|Philippum V]]<ref>[[Titus Livius]] XXXII.19-23.[[Pausanias]] VII.8.1-5.</ref>.