Quantum redactiones paginae "Mantinea" differant

'''Mantinea''' {{victio|Mantinea|ae|f}} seu '''Antigonea''' {{victio|Antigonea|ae|f}}<ref>Etiam ''Antigonia'', ''Antigoneia.''</ref> ([[Graece]] ''Μαντίνεια'') fuit [[civitas]] [[Graecia antiqua|Graeciae antiquae]] in [[Arcadia]], iam [[Homerus|Homero]] nota<ref>''[[Ilias]]'' II.607ː Μαντινέην ἐρατεινήν.</ref>. A Mantineo [[Lycaon (rex)|Lycaonis]] regis filio condita urbs dicitur, non tamen diu servavit primum locum<ref>In quo [[Pausanias (scriptor)|Pausanias]] (VIII.12.7) ruinas adhuc vidit, quibus nomen ''Ptolis'' erat.</ref>. Nam paulo post Antinoe [[serpens|serpentem]] ex oraculo secuta incolas alio transtulit. Ut qui Lacedaemoniorum vicini erant Mantinenses multis bellis interfuere tum adversus eos tum socii eorum. Tres pugnae apud Mantineam commissae ab historicis memorantur ː prima anno [[418 a.C.n.]] in [[Bellum Peloponnesiacum|bello Peloponnesiaco]], [[Pugna apud Mantineam (362 a.C.n.)|altera]] anno [[362 a.C.n.]] qua periit dux [[Thebae (Boeotia)|Thebanus]] [[Epaminondas]], tertia anno [[207 a.C.n.]] qua strategus [[Foedus Achaicum|Achaeorum]] [[Philopoemen]] tyrannum [[Sparta|Spartanorum]] vicit et occidit.