2 031
recensiones
Quantum redactiones paginae "Lot" differant
Summarium vacuum
|
Cum Lot urbem [[Sodoma (urbs)|Sodomam]], quam ignis Caeli deleterus esset, relinqueret, eius uxor, cum intueretur ulterius post eum, statua salis effecta est <ref>Genesis c. 19. v. 1, 5, 6, 9, 10, 12, 14, 15, 23, 24, 28, 29, et 36</ref>. Postea, cum duae filiae crederent virum nullum, nisi patrem, adhuc vivere, cum illo ebrio dormiverunt et ex eo conceperunt.
== Narrationes biblicae de Lotho<ref>Compendium depromptum, titulis additis, e libro cui titulo ''Dictionarium historicum, criticum, chronologicum, geographicum, et literale Sacræ Scripturæ'', Augustinus Calmet, Lucae, 1725 [https://www.google.fr/books/edition/Dictionarium_historicum_criticum_chronol/5U6MgHzAdzEC?hl=fr&gbpv=0]. </ref> ==
=== De Lotho ante Sodomam deletam ===
Loth, filius Haran, [[Abraham]]i nepos, qui patrem de [[Ur]] primo, deinde ex Haran egredientem comitatus<ref>Gen. 11, 31</ref>, [[Aegyptus|Aegyptum]] peragravit et una cum eo, a quo benevolentia singulari diligebatur, in [[Chanaan]] itidem regressus est. Cum vero utriusque pastores, plurimis et opulentis eorum gerendis gregibus addicti, rixas vicissim committerent<ref>Gen. 13, 6</ref>, ut jurgii occasionem adimerent, Abrahamo nepoti indulgente, ut sibi quam vellet pro domicilio regionem seligeret, se deinde in oppositam migraturo, alter ab altero discessit, et Loth Sodomam, cuius vicinia opima, et feracissima, sibi incolendam destinavit.
=== De Sodoma deleta ===
Aliquot post annis,Sodomae et quatuor finitimarum urbium flagitiis plus nimio crescentibus, tres Angelos Deus misit qui in improbos animadverterent, urbesque delerent<ref>Gen. 18, 20 et 19, 1</ref>. Angelos itaque ante suum tabernaculum transeuntes Abraham excepit hospitio; quos coepto itineri insistentes comitatus, ut e regione Sodomae consistere, eam urbem statim evertendam ab iisdem accepit. Quare de nepote sollicitus, an iusti una cum improbis conterendi essent, utrum ne excidio abstinerent, si viginti saltem aut decem iustos in ea urbe invenissent, rogavit; eique Angelis ita respondentibus domum suam reversus est sibi utique spondens in eam urbe decem saltem innoxios inveniendos fore; inter quos et nepotem suum certo enumerandum non ambigebat.
Inclinante die duos Angelos (tertius enim quod forte Isaaci tantum nativitatem nuntiaturus venisset iam evanuerat) Sodomam Loth qui prae urbis foribus tunc sedebat pronus rogavit ut domum suam diverterent; quos eam noctem in urbis platea transacturos hospitium detrectantes demum coegit et convivio excepit. Necdum cubitum ierant cum urbis incolae Lothi domum circumsidentes eos juvenes quibus abuterentur ad se produci urgebant. Lothus verò ut eos à tanto scelere deterreret geminas suas virgines filias se potiùs educturum spopondit; qui tamen minimè acquiescentes imò et Lotho vim intentantes
Monitus deinde Loth, ut sibi cognatione devinctos ea urbe flagitiis cumulata, et idcirco mox evertenda educeret, generos, quibus filias suas desponderat, ut proximo urbis excidio se adimerent, rogavit. Quem illi veluti levia et inepta loquentem minimi habuere. Ut illuxit, cum Loth discessum adhuc cunctaretur, Angeli et Lothum et uxorem et filias manu apprehensas domo et urbe eduxerunt, monueruntque, ut quin oculos post terga deflecterent, sibi fuga prospicerent, ne iisdem, quibus caeteri, calamitatibus obruerentur. Lotho denique, ut sibi in Segor, alteram ex quinque urbibus evertendis perfugere liceret postulanti indulsere. Lothi vero uxor quod post terga respexerit iisdem quae Sodomam consumpsere flammis correpta in salis simulacrum conversa interiit.
=== De incesto filiarum Lothi ===
Sodomae finitimarumque urbium incendio territus et diutius in [[Segor]] degere veritus in proximi montis specum una cum suis filiabus se contulit. Haec homines omnes interiisse orbemque nisi per se ipsas novis incolis donaretur defecturum sibi suadentes Patrem inebriarunt; natuque major, quin rem ille perciperet, ex eodem filium concepit qui [[Moab]] appellatus Moabitaram pater extitit. Altera vero filia ex Patre iterum inebriato, nocte sequenti, concepit [[Ammon]]em ex quo deinde Ammonitae.
{{Lexicon Universale}}
| |||