Quantum redactiones paginae "Pulcinella (Stravinski)" differant
Content deleted Content added
No edit summary |
No edit summary |
||
Linea 17:
Anno [[1917]] Leonidas Massine, choreographus et ballator Russicus, cum in tabulario [[Neapolis|Neapolitano]] [[comoedia artis|comoediae artis]] studuisset, de tralaticiis [[dramatis persona|personis]] huius artis ''Pulcinellam'' novam ballationem creare cupiebat. Quo incepto exardescens Djagilev inedita opera [[Ioannes Baptista Pergolesi|Ioannis Pergolesi]] ([[1710]]-[[1736]]) ex [[nota musica|notis]] [[Conservatorio di San Pietro a Majella|conservatorii Neapolitani]] reperta usurpare voluit. Djagilev primum [[Manuel de Falla|Manuelem de Falla]] rogavit, qui opera Pergolesiana ad ballationem adcommodaret, sed recusante hoc compositore [[Hispania|Hispanico]] Stravinski paene praeter exspectationem hoc proposito accepto operae se dedit. Sed omnes partes operum Pergolesianorum ita renovavit, ut ea ad suam propriam rationem modulari posset. Postea quidem patefactum est, omnes melodias non a Pergolesi compositas esse. Constat enim [[exordium melodramatis|exordium]] operis re vera a [[Domenicus Gallo|Domenico Gallo]] compositum esse.
Aprili mense 1917 sodales operam dantes ''Pulcinellae'' in Italiam convenerunt, quo itinere Stravinski in familiaritatem venit [[Paulus Picasso|Pauli Picasso]], cui scaenam ornare et vestimenta histrionum designare operae erat. Qui viri Romae et Neapoli inter comoedos artis aliosque artifices nonnullas septimanas degerunt. Etiam sese, ut ipse dixit Stravinski, deprehensos esse, cum ad parietem [[Galleria Umberto I|Galleriae Neapolitanae]] minxissent; absolutos quidem esse hoc crimine, cum biocolyti illos ab operariis [[Teatro di San Carlo|theatri Sancti Caroli]] "magistros" vocari audissent. Alioqui bene convenit his viris, et Picasso tres Inguarii Stravinski fecit picturas, quarum unius transitum [[milites limitanei]] compositori domum in [[Helvetia]]m redeunti denegarunt; qua enim pictura suspicabantur castella Italiana describi. Stravinski et Picasso in sua quisque arte pari tenore progressos esse videntur, nam post bellum etiam Picasso relicto [[cubismus|cubismo]] in neoclassicismum transiit.
| |||