Quantum redactiones paginae "Expeditio in Siciliam" differant

Content deleted Content added
No edit summary
No edit summary
Linea 1:
[[Fasciculus:SizilienExpedition.png|thumb|Navigatio Atheniensium in Siciliam.]]
'''Expeditio in Siciliam''' est magnum inceptum bellicum medio [[Bellum Peloponnesiacum|Peloponnesiaco bello]] initum quam populus Atheniensium [[Alcibiades|Alcibiade]] suadente, [[Nicias|Nicia]] dissuadente anno [[415 a.C.n.]] decrevit. Causa speciosa fuit auxilium a [[Segesta|Segestanis]] petitum quos [[Selinus|Selinuntes]] adiuvantibus [[Syracusae|Syracusanis]] bello opprimebant. Re vera demagogi Atheniensibus spem totius Siciliae subigendae proferebant atque inde etiam Italiam et Carthaginem in animo habebant. Itaque vis huius belli in Syracusas, potentissimam civitatem Siciliae, incubuit. Clades in Sicilia anno [[413 a.C.n.]] accepta magni momenti in exitu belli adversus Peloponnesios et dissolutione [[Foedus Delium|Foederis Delii]] fuit. Narratio huius expeditionis a rerum gestarum scriptore [[Thucydides|Thucydide]] hodieque magnam famam habet.
[[Fasciculus:SyrakusBelagerung.png|thumb|Syracusae ab Atheniensibus obsessae.]]
Primi duces expeditionis fuerunt Alcibiades, Nicias, Lamachus. Mox Alcibiades qui maximam operam in praeparatione navarat parodiae sacrorum [[Mysteria Eleusina|Cereris mysteriorum]] ab inimicis absens accusatus ab imperio remotus est et Athenas ad iudices convocatus. Ad [[Sparta|Spartanos]] transfugere quam periculum mortis in patria adire maluit. Tum res longe aliter atque Athenienses speraverant vertere coepitː nam dux Lacedaemonius Gylippus cum [[Hoplites|hoplitis]] [[Corinthus|Corinthiis]] auxilio missus eos a circumvallatione Syracusarum prohibuit et bello in Graecia continentali renato rex [[Agis II|Agis]] et Peloponnesii Deceliam in Attica muniverunt unde hostes ab agris colendis arcebant. Quin etiam civitates Graecae Siciliae societatem Atheniensium aspernabantur, eorum imperialismum reformidantes et paulatim praeter [[Acragas|Agrigentinos]] cum Syracusanis faciebant. Postquam agustias rerum compertas habuerunt Athenienses alterum exercitum ducentibus Demosthene et Eurymedonte subsidio miserunt. Qui exercitus una cum priore periitː nam Athenienses in angusto portu pugnare coacti sollertia navali hostes superare non potuerunt. Haec infausta expeditio finem imperialismo Atheniensi imposuit.