Quantum redactiones paginae "Toreuma" differant

[[Fasciculus:PupienusSest.jpg|thumb|upright=1.5|Toreuma humile in [[sestertius|sestertio]] [[Imperium Romanum|Romano]] anni [[238]].]]

'''Toreuma''' (''-tis'', n.; a [[verbum (generale)|verbo]] [[lingua Graeca antiqua|Graeco]] q.e. τόρευμα 'opus caelatum' < τoρεῖν 'caelare, sculpere, terere') est ars et ratio eo modo [[sculptura|sculpendi]], ut effigies scaenae [[solidum|solidae]] eiusdem [[substantia]]e inolescat. Opus sculptile toreumatice facere, hoc est efficere, ut res sculpta tamquam ex postico crescere videatur.<ref>Nissen & Neudecker 2006.</ref> At cum toreuma in plano lapideo sculptum est, aut in plano ligneo caelatum, hoc non elatio effigiei est, sed re vera submissio circa areae. Haec sculpendi ratio, cum tantam poscat caelaturam, longi laboris est; eximitur vero toreumate, quin aversa effigiei formari opus sit. Praeterea toreuma minus fragile est, et firmius confixum quam statua in fulcro, praesertim si figuram stantem effingit, nam [[talus|tali]] loci infirmi esse possunt, praecipue in [[saxum|saxo]]. Aliis autem materiis, sicut [[metallum|metallo]], [[argilla]]e, [[gypsum|gypso]], [[stucco|tectorio]], [[opus fictile|operi fictili]], et [[papier-mâché|massae chartaceae]], forma addi vel ex scaena tolli potest, et aerea toreumata [[monumentum|monumentalia]] opere fusorio fiunt.