Quantum redactiones paginae "Thucydides" differant

De eius [[vita]] scimus perpauca, quae ipse in opere suo rettulit: primo enim libro Atheniensem se adfirmat esse, dein [[pestis|peste]] quae Athenienses [[bellum]] gerentes adfligebat laboravisse<ref>''[[Historiae (Thucydides)|Historiae]]'' II.48.3</ref> et creatum esse magistratum militarem ([[Strategus|strategum]]) annis [[424 a.C.n.|424]] et [[423 a.C.n.|423]]. Hominem divitem fuisse constat ut qui metalla aurea in Thracia exercebat<ref>''[[Historiae (Thucydides)|Historiae]]'' IV.105</ref>. Ad insulam [[Thasos|Thasum]] hieme [[424 a.C.n.|424]]/3 a.C.n. versabatur cum nuntius ab [[Amphipolis|Amphipolitanis]] promptum succursum petitum missus eum adiitː etenim dux [[Lacedaemon|Lacedaemonius]] [[Brasidas]] a proditoribus accersitus flumen [[Strymon|Strymonem]] iam transierat atque sub ipsis moenibus moderatis propositis - ad Graeciam liberandam enim se venisse adfirmare solebat- incolas ad deditionem provocabat. Frustra properavit quantum potuit navibus quas habebat Thucydidesː cum adpulit Amphipolitani oppidum Peloponnesiis iam tradiderant<ref>''[[Historiae (Thucydides)|Historiae]]'' IV.104-7</ref>. Ob hanc rem male gestam exsilio multatus est unde magis otium ei fuit historiae suae praeparandae et eventorum spectandorum quamquam iam ab initio belli hoc consilium cepisse dicebat<ref>''[[Historiae (Thucydides)|Historiae]]'' I.1</ref>. Obscurus est annus mortis, sed ante quam operam suam perficeret obiisse videtur: nam ea subito interrumpitur post librum octavum, qui et ipse non perpolitus esse videtur, et in quo eventa usque ad annum [[411 a.C.n.|411]] tantum narrat, quamvis bellum anno [[404 a.C.n.|404]] re vera confectum sit. Praterea eventum beli compertum habuisse tum cum scribebat e multis ''Historiarum'' locis liquet. Partem ultimam operis Thucydidis adfirmant nonnulli historici confluxisse in scripta [[Xenophon]]tis, qui postea eam emendatam ediderit.