*[[Bellum Peloponnesiacum]]ː hieme 430/429 [[Potidaea|Potidaeenses]] fame subacti urbem suam Atheniensibus relinquunt qui colonos illuc miserunt. Aestate ineunte [[Archidamus II]] [[Plataeae|Plataeas]] obsidere incipit. In [[Chalcidice|Chalcidica]] quoque pugnatum est ubi Athenienses ad Spartolum offenderunt. Peloponnesiaci, instigantibus Corinthiis et [[Ambracia|Ambraciotis]], eorumCorinthiorum colonis, instigantibus magnam expeditionem terra marique adversus [[Acarnania|Acarnanos]], Atheniensium socios in ea regione ordinarunt ut hostes a circumnavigatione Peloponnesi prohiberent. Socios habuerunt colonias Corinthiorum (ut [[Leucas|Leucades]] Anactoriosque) et babaros circa incolentesː Chaones et [[Molossus|Molossos]] et Orestas. At Cnemus dux Lacedaemonius terra progrediens ad Stratum offendit atque exercitum reduxit. Duobus proeliis navalibus in [[Sinus Corinthiacus|sinu Corinthiaco]] pugnatum est, ad [[Patrae|Patras]] et ad [[Naupactus|Naupactum]]ː primo praeclaram victoriam rettulit dux Atheniensium Phormio, ne una quidem nave amissa, cum classem hostium de expeditione in Acarnaniam, non de proelio cogitantem ex inopinato adortus esset; altera aequo Marte pugnatum est quamquam Phormio cum iisdem viginti navibus cumadversus classeclassem septuaginta navium certavitː utrique [[tropaeum]] in suo litore erexerunt.
