Quantum redactiones paginae "Ioannes Oecolampadius" differant

In [[Franconia]] divite mercatoris familia ortus per matrem Pfister natam avum Basiliensem habebat. Valetudine infirma oppressus aegrotare semper videbatur ː nihilominus laborem et vigilias numquam recusavit. Primum [[Bononia|Bononiae]] et [[Heidelberga|Heidelbergae]] iuri studuit, mox tamen incepto destitit et theologiae praedicationique in patria sua operam dedit. Simul apud [[Iohannes Reuchlin|Iohannem Reuchlin]] philologia Graeca et Hebraica animum imbuebat. Basileam a [[Iohannes Frobenius|Iohanne Frobenio]] invitatus Graecae editioni [[Novum Testamentum|Novi Testamenti]] anni [[1516]] cum [[Desiderius Erasmus Roterodamus|Erasmo]] operam tulit. Interpres Latinus patrum [[Gregorius Nazianzenus|Gregorii Nazianzeni]]<ref>''De Moderandis disputationibus Gregorii Nazanzeni... sermo, Oecolampadio interprete'', Basileae, 1521</ref> et [[Ioannes Chrysostomus|Iohannis Chrysostomi]]<ref>''Divi Joa[n]nis Chrysostomi, Sermo de eleemosyna et collatione in sanctos, in verba Pauli ex priore ad Corinthios ep[isto]la, hactenus latine non aeditus'', Jo. Oecolamp. interprete. Moguntiae, 1522. ''Divi Joannis Chrysostomi psegmata quedam, nuperrime a Joanne Oecolampadio, in latinum primo versa. Quorum omnium indicem proxima pagella indicabit. Addita sunt preterea recenter sequentia. Divi Joaniis Chrysostomi De incomprehensibili Dei natura contra Anomeos, absente episcopo, homiliae. V. Theodoro Gaza interprete. Paraenesis divi Joannis Chrysostomi ad Theodorum Lapsum Wolphango Fabritio Capitone interprete. Divi Joannis Chrysostomio In hox apostoli dictum Utinam tollerarssetis paululum quidddam insipientae meae homilia Fabritio Capitone interprete. Divi Joannis Chrysostomi Sermo de Elemosina & collatione in sanctos... Joanne Oecolampadio interprete. Divi Joannis Chrysostomi Sermo in illus dictum apostoli ad Corinthios... Joanne Oecolampadio interprete. Divi Joannis Chrysostomi In idctum apostoli ad Corinthios oportet a haereses esse Joanne Oecolampadio interprete''. Ex officina Johannis Parvi, 1524</ref>, atque idem commentator [[Isaias (propheta)|Isaiae prophetae]]<ref>''In Jesaiam prophetam. hypomnematon, hoc est Commentariorum'', Coloniae, Soter, 1525 </ref> et [[Epistula ad Romanos|Epistulae ad Romanos]]<ref>''[https://books.google.fr/books?id=06iMMBxdcZEC&pg=PP1&hl=fr&source=gbs_selected_pages&cad=2#v=onepage&q&f=false In Epistolam B. Pauli apost. ad Rhomanos adnotationes ... cum indice]'', Basileae, Cratander, 1525</ref>, opera sua Basileae plerumque apud typographum [[Andreas Cratander|Andream Cratandrum]] publicabat atque mandantibus magistratibus Basiliensibus Germanice quoque ex cathedra praedicabat et in universitate theologiam profitebatur. Initio [[Martinus Lutherus|Lutheri]] propositis favebat<ref>''Oecolampadij iudicium de doctore Martino Luthero'', Lipsiae, 1520</ref>, propior tamen [[Turicum|Tigurensi]] reformatori [[Huldericus Zvinglius|Zwinglio]] erat. A Luthero de [[Ultima Cena|Cenae]] spirituali interpretatione (1525) secessit nec illa controversia umquam composita est. Simul [[Anabaptistae|anabaptistis]] adversabatur. In fine artificum sodalitatibus fretus paulo antequam moreretur victoriam rettulit ː anno 1529 edicto Consilium civitatis cultum evangelicum Basileae celebrari iussit atque [[Missa|missam catholicam]] prohibuit.

 

== Notae ==

<references />