Quantum redactiones paginae "Nanchinum" differant

194 octeti additi ,  2 months ago
m
Summarium vacuum
m
Territorio, quod nunc ad Nanchinum pertinet, habitato iam ab aevo praehistorico, moenia antiqua urbis ''Jianye'' in parte orientali Nanchini hodierni videntur. Quae urbs olim frequentatissima caput fuit regni orientalis [[Wu (regnum)|Wu]] ab anno [[229]] usque in [[280]] et regni orientalis [[Jin (regnum)|Jin]] ab anno [[317]] cui succederunt regna meridiana [[Liu Song]] ab anno [[420]], [[Qi (regnum meridianum)|Qi]] ab [[479]] usque in [[502]], denuo [[Chen (regnum)|Chen]] ab [[557]] usque in [[589]]. His annis, Serica inter regnum septentrionale regnumque meridianum divisa, ''Jianye'' vel ''Jiankang'' sub specie metropolis meridianae celeberrima fit, sed anno [[589]], regno Chen ab imperatore [[Wen (imperator Sui)|Wen]] domus [[Sui (familia)|Sui]] conditore debellata, ''Jiankang'' iussu victoris omnino deleta est. Saeculo IX restitui coepit sub nova forma, media urbe eo loco posita ubi hodie Nanchinum floret.
 
Ab anno [[937]] usque in [[976]] sub novo nomine ''Jinling'' caput fuerit illius civitatis, domo regnatrice [[Tang (regnum meridianum)|Tang meridiana]] (quae sub nuncupatione vulgari ''[[Jiangnan]]'' celeberrima erat inter [[quinque domus decemque regna|quinque domos decemque regna]] ephemera saeculi X). DeindeSaeculis insequentibus, etiamsi urbs capitalis non iam esset, Nanchinum metropolis australis frequentatissimusque portus fluvialis emporiumque artis textilis manebat. [[Odoricus de Portu Naonis]] urbem anno circiter 1328 visitavit et breviter descripsit, sub nomine "Chilenfo" dato (i.e. ''Jinling'' + ''fu'' i.e. "urbs"):
:Veni ad unam aliam civitatem magnam quae vocatur Chilenfo; hujus muri civitatis bene per xl miliaria circueunt ipsi. In ista etiam civitate sunt bene tres centi et xl pontes lapidei pulchriores quam totus habeat mundus. In hac civitate fuit prima sedes Regis [[Jiangnan|Manzi]] in qua ipse morari solebat. Haec bene habitatur a gente et in ea est ita magnum navigium quod est mirabile valde. Ipsa bene sita est omniumque bonorum copiam habet magnam ([[Odoricus de Portu Naonis]], ''Descriptio orientalium partium'', recensio Latina cap. 34).<ref>Orthographia et Latinitate servatis. [[Henricus Yule|Henry Yule]], Henri Cordier, edd., ''Cathay and the Way Thither'' vol. 2. 2a ed. (Londinii, 1913) [https://archive.org/details/cathaywaythither02yule/page/316/mode/1up p. 316], cf. versionem Anglicam cum commentario [https://archive.org/details/cathaywaythither02yule/page/204/mode/1up pp. 204-209]</ref>
 
== Clima ==