Quantum redactiones paginae "Nanchinum" differant

Territorio, quod nunc ad Nanchinum pertinet, habitato iam ab aevo praehistorico, moenia antiqua urbis ''Jianye'' in parte orientali Nanchini hodierni videntur. Quae urbs olim frequentatissima caput fuit regni orientalis [[Wu (regnum)|Wu]] ab anno [[229]] usque in [[280]] et regni orientalis [[Jin (regnum)|Jin]] ab anno [[317]] cui succederunt regna meridiana [[Liu Song]] ab anno [[420]], [[Qi (regnum meridianum)|Qi]] ab [[479]] usque in [[502]], denuo [[Chen (regnum)|Chen]] ab [[557]] usque in [[589]]. His annis, Serica inter regnum septentrionale regnumque meridianum divisa, ''Jianye'' vel ''Jiankang'' sub specie metropolis meridianae celeberrima fit, sed anno [[589]], regno Chen ab imperatore [[Wen (imperator Sui)|Wen]] domus [[Sui (familia)|Sui]] conditore debellata, ''Jiankang'' iussu victoris omnino deleta est. Saeculo IX restitui coepit sub nova forma, media urbe eo loco posita ubi hodie Nanchinum floret.

Ab anno [[937]] usque in [[976]] sub novo nomine ''Jinling'' caput fuerit illius civitatis, domo regnatrice [[Tang (regnum meridianum)|Tang meridiana]], (quae sub nuncupatione vulgari ''[[Jiangnan]]'', qui celeberrima erat inter [[quinque domus decemque regna|quinque domos decemque regna]] ephemera saeculi X). Deinde etiamsi urbs capitalis non esset, Nanchinum metropolis emporiumque artis textilis manebat. [[Odoricus de Portu Naonis]] urbem anno circiter 1328 visitavit et breviter descripsit, nomine "Chilenfu" dato (i.e. ''Jinling'' + ''fu'' = "urbs").