Quantum redactiones paginae "Res publica Sinarum" differant
Content deleted Content added
Linea 12:
Sinas ex omni memoria aetatum vel reges habuere vel imperatores; libertas et res publica numquam ante est instituta. Nec [[familia Yuen|Mongolica incursione]] consuetudo ut mutaretur, neque [[familia Cim|dominio Mandshurico]] iam consenescente effecit, donec admotis cum externis nationibus controversiis, bello sumpto, statimque et patefactae antiqui imperii impotentiae causa reconflatique insiti genti Sinicae spiritus, ne diutius ab alienigenis more quamvis ipsis accedente imperarentur, undique factis defectionis multa pars ad meridiem, ubi maxima novarum sententiarum auctoritas, suis legibus esse indixit. Quam cum rem animadvertere proceres, imperatore iam aetate parvulo, metu infamiae defectus ad unum [[Yuan Shikai]], qui summa imperii tenebat, coaluere omnes; ille autem sectatorem libertatis simulans, anno [[1911]] se cum rei publicae principe [[Sun Yat-Sen]] ad evertendos Mandshuricos coniunxit.
Sed interdum partis meridianae duces, seu quid de Yuan Shikai suspicarentur, seu visis imperatore familiaribusque suis potentia non iam valere, antequam illi duo res novas molirentur concilium vocavere, Sun Yat-sen ad magistratum summum exsustulere; quae cum exaudisset Yuan Shikai iratus fidem esse fractam aiens, [[1912|secundo anno]] vi et minationibus, comitantibus contra leges militibus suis armatis abdicationem imperatoris tutores flagitavit. Mater huius (quia id temporis tutelam una gerebat), iniquum locum ad obsistendum arbitrata, iniquiorem autem ad commorandum, dum crebrescerent rei publicae fautores qui ipsos ad mortem duci mallent quam eiicere, condicionibus adceptis imperium Mandshuricum edicto dissolvit. Id cum famam tulisset Yuan Shikai remque publicam Sinarum conditam pronuntiasset, epistulam a Sun Yat-sen accepit, qui concertatorem suum novae rei publicae praesidem est fassus. Tum hic [[Nanchinum|Nanchini]] ut curator libertatis propagandae mansit, ille [[Pechinum|Pechini]] praeses; nec verum iam resedit inimicus
=== Tempus seditionum (1912–1927) ===
| |||