Quantum redactiones paginae "Ludovicus Andreas Feuerbachius" differant
Content deleted Content added
de atheismo |
No edit summary |
||
Linea 3:
Materialismus suus origo [[materialismus dialecticus]] [[Carolus Marx|Caroli Marx]] et [[Fridericus Engels|Friderici Engels]] factus esse putatur.<ref>Marx et Egels, ''[[Die deutsche Ideologie]].''</ref>
==Vita==
Ludovicus Andreas, cum discipulus gymnasii [[Onoldum|Onoldensis]] esset, adulescens super omnes alios pius erat. [[Heidelberga]]e theologiae studuit et praelegente [[carolus Daub|Carolo Daub]]pro philosophia [[Georgius Gulielmus Fridericus Hegel|Hegeliana]] inflammatus est. Hegelii audiendi causa anno 1824 [[Berolinum]] petivit et anno 1828 [[Erlanga]]e docens privatus in philosophicis factus est. Sed multorum inimicitiam movit pro Hegelianismo suo. Anomymus vulgavit »Gedanken über Tod und Unsterblichkeit« (Norimbergae 1830), ubi religionem caelestia appetentem regressum putavit et fidem immortalitatis psychologice explicabat. Libro confiscato petitio pro venia docendi velut professor extraordinarius pluries repulsus est (ultima vice anno 1836). Neque in aliis universitatibus munera idonea disposita sunt. Itaque a cursu honorum universitariorum deflectens se contulit Onoldum et (ex anno 1836) porro [[Bruckberg (Mittelfranken)|Bruckberg]] in Franconiam Mediam in solitudinem scriptoriam. Hic, ubi anno 1837 Bertam Loew mercatricem in matrimonium duxerat, in otio rustico usque annum 1860 vitam degebant, quo ad Rechenberg haud procul a Norimberga commigravit. Ruri quasi omnia opera magna creata sunt. Cum sub titulo vix apto »Abälard und Heloise« (Onoldi 1833) aphorismis facetis philosophicisque latera vitae realia idealiaque comparavisset, pugnam rationis contra theologiam necnon proelium scientiarum contra fidem iniit opere »Darstellung der Geschichte der neuern Philosophie« (Onoldi 1833–1837). Id opus velut »Kritiken auf dem Gebiete der Philosophie« (Onoldi 1835) acritate classica excellebat. In tomo tertio »Pierre Bayle nach seinen für die Geschichte der Philosophie und der Menschheit interessantesten Momenten« (Onoldi 1838) rem eandem cum sale peregebat; Bayle ut alii citati philosophi istis notionibus Feuerbachianis ipsis perspectui et speculo fuisse videntur.
==Notiones Feuerbachianae principales==
Inde ab anno 1837 consuetudines habuit cum [[arnoldus Ruge|Arnoldo Ruge]] et moderatoribus periodicorum »Hallesche Jahrbüchern« et »Deutsche Jahrbüchern«, qua re non solum theologiae sed etiam philosophiae Hegelianae renuntiavit. Philosophia nova [[naturalismus|naturalismo]] praesertim alebatur. Tamen Hegelium suum dilectum adhuc in libro »Über Philosophie und Christentum« (Onoldi 1839) contra fanaticos omnium rationum haereticos defendebat. In opusculo »Zur Kritik der Hegelschen Philosophie« (1839) cogitationes haud claras trans naturam hominemque factas esse vanitatem simplicem esse proposuit. Spiritum purum esse ab homunculi spiritu proprio fictum; redire ad naturam esse fontem unicum salubrem. In opere magno »Das Wesen des Christentums« (Lipsiae 1841) bene videtur philosophiae christianae totius casus. Sententia detrita, quam etiam apud [[fridericus Schleiermacher|Fridericum Schleiermacher]] habemus de imaginando divino secundum humanum exemplum, hic apud Feuerbach cardo principalis historica fit. Theologia summatim mutatur in anthropologiam, quam universam philosophiam veram esse opiniabatur. Religionem esse hominum somnium; Deum, caelos, beatitudinem esse desideria maxima imaginationibus vera; Deum in nomenclatura humana esse revera humanam existentiam ad infinitum auctam et emancipatam: homo homini deus!
Continuarentur ideae istae in opere »Das Wesen der Religion« (Lipsiae . 1845), in commentariis pluribus apud »Deutsche Jahrbüchern«, in opusculo »Das Wesen des Glaubens im Sinn Luthers« (Lipsiae 1844) et in »Vorlesungen über das Wesen der Religion« (Lipsiae 1851) quae omnia temporis recentissimi munus sanctum implerent de dissolvenda theologia ad finem anthropologicum. Orationes »Vorlesungen« hieme 1848/49 Heidelbergae factae sunt studiosis comiter invitantibus; istum annum crucialem appellari licet. Namque statim post a vita publica (invitus) solitudini philosophicae petendae recessit naturalismum anthropologicum in [[materialismus|materialismum]] mutaturus.
Opus autem »Theogonie, oder von dem Ursprung der Götter nach den Quellen des klassischen, hebräischen und christlichen Altertums« (Lipsiae 1857) religionis naturam depravatam iterum declarans (i.e. deos esse desideria personificata) neminem iam excitavit. Materialismus maxime exprimebatur in recensione illustri operis Moleschott]] »Lehre der Nahrungsmittel für das Volk« (1850) verborum ludo Theodisco ''Der Mensch ist, was er ißt!''<ref>Interpretatio: ''Homo est quod manducat.''</ref> Forma philosophiae novissima reperitur in opere similiter praetitulato ac opus Feuerbachianum primum (quamquam cum argumentis videlicet omnino aliis): »Gottheit, Freiheit und Unsterblichkeit vom Standpunkt der Anthropologie« (Lipsiae 1866).
Annis duobis ante mortem observationes ethicas calamo finxit, quae non finitae post mortem editae sunt annis 1868/69. Vita Feuerbachiani et momenta tristia habuit: anno 1860 sine culpa et patriam pulchram in Castello Bruckenbergiano amisit et emeritorium sat modestum. Periodus in monte Rechenberg apud Norimbergam annis inter 1860 et 1872 peracta amicitiis multis et diversis exornata econtra sat pulchra erat. Philosopus iste humanismi, cui saepe et maligne materialismus nudus obiectus est, humanus fuit in verbi sensu pulcherrimo tamquam pater familias benignus, maritus constans et pater egregius (filia eius unica vocabatur Eleonora). Si commercium eius epistulare legeris, facile testimonia multa de veritate et humanitatis amore invenies. Opera omnia primo edita sunt Lipsiae annis inter 1846 et 1866 decem in tomis. Feuerbach multos homines movebat annis 1840, multos et nostris diebus movet sive saltem ad cogitationes invitat.
== Opera ==
Opera praecipua:
Line 21 ⟶ 29:
* [http://www.ludwig-feuerbach.de/ Societas Ludovici Andreae Feuerbach Norimbergae]
* {{BBKL|f/feuerbach_l|auctor=Friedrich Wilhelm Bautz|commentatio=FEUERBACH, Ludwig|tomus=2|columnae=25-28}}
{{DEFAULTSORT:Feuerbach, Ludovicus Andreas}}
[[Categoria:Nati 1804]]
| |||