Quantum redactiones paginae "Fredericus Ludovicus Jahn" differant

[[File:DPAG 2011 Turnplatz Hasenheide Friedrich Ludwig Jahn.jpg|thumb|DPAG 2011 Campus athleticus Berolinensis Hasenheide]]

'''Fredericus Ludovicus''' vulgo ''Friedrich Ludwig'' '''Jahn''' (natus die [[11 Augusti]] [[1778]] Lanz in [[Brandenburgum|Brandenburgo]], mortuus die [[15 Octobris]] [[1852]] Freyburg/Unstrut in [[Saxonia-Anhaltium|Saxonia-Anhaltio]]) [[germania|Germanus]] paedagogus, theologus, civis patriae amans necnon athleticae popularis instigator summus fuit.

Patriotismo protestantico excitatus theologiae studuit et tamquam magister privatus in [[megapolis (Germania)|Megalopoli]] institutus est. [[Gryphiswaldia]]e consuetudinem contraxerat cum [[ernestus Mauritius Arndt|Ernesto Mauritio Arndt]], Germaniae liberandae praecone fanatico. Jahn de Germaniae sorte deplorabili ita desperatus fuit, quod anno 1806 [[Proelium Ienense|Proelio Ienensi saeviente]] capilli eius nocte una cani facti sunt, ut fertur. [[berolinum|Berolini]], ubi ex anno 1809 manserat, notio magis magisque crescebat de artis gymnicae momento gravissimo. Ea autem iuvenum adulescentiumque robur tantopere augeretur, ut Germaniae a tyranno Francogallico liberatio bene pararetur. [[Ioannes Fichtius|Ioannis Fichtii]] sermones ante nationem Germanicam eum ita inflammaverant, ut opus »Deutsches Volksthum« (Lubecae 1810) pangeret. Anno autem 1811 gymnasium in campis Berolinensibus Hasenhaide construi iussit. Iam duos annos post milia discipulorum arma contra Napoleonem sumptura esse vidit.

 

Jahn ipse exercitui Lützow se aggregavit et anno 1815 cum contubernalibus Lutetiam ingressus est. Anno 1817 praelectiones ardentes de cultu atque humanitate Germanica Berolini habuit et corporationes studenticas in unione Germanica patranda iuvabat. Anno 1819, postquam gymnasia omnia clausa sunt, in carcerem inclusus est. Lis eius usque annum 1825 prolongata est. Criminibus absolutus persecutiones continuo perpeti debuit, antequam rex [[Fridericus Gulielmus IV (rex Borussiae)]] silicernio misereretur. Freyburg commmigravit; amicorum pecunia pauperem anno 1844 salvavit et casae eius publicationem impedivit. Anno 1848 autem Jahn senator in parlamento [[francofurtum ad Moenum|Francofurtensi]] creatus est. Sed ibi habitu et dicendi genere contumaciam et idearum obsoletarum studium ostendebat.

 

 

== Bibliographia ==

* Hainer Weißpflug: ''Friedrich Ludwig Jahn – Patriot und Begründer der deutschen Turnbewegung.'' In: ''Die Mark Brandenburg.'' Heft 71, Berolini 2008, ISBN 978-3-910134-15-7.

* Karl-Friedrich Werner: ''Christentum und Leibesübungen in den Anfängen der deutschen Turnbewegung: das Beispiel Ernst Moritz Arndt.'' Heidelbergae 1981

<references/>

== Nexus externi ==

{{Commonscat|Friedrich Ludwig Jahn|Fredericum Ludovicum Jahn}}

* Matthias Blazek: [http://www.dtb-online.de/portal/fileadmin/user_upload/dtb.redaktion/Sonstige_Dokumente/Blazek_Frisch__fromm__froehlich__frei.pdf ''Frisch, fromm, fröhlich, frei – Die Anfänge des deutschen Turnerwesens''] (PDF) dtb-online.de, 2009

* Michael Gnessner: [http://www.epoche-napoleon.net/geschichte/jahn-ek.html ''„Turnvater“ Jahn und das Eiserne Kreuz.''] epoche-napoleon.net