'''Ricardus Ioannes''', vulgo ''Richard John'' '''King''' ([[Plimmuta]]e die [[18 Ianuarii]] [[1818]] natus; mortuus [[Cridia]]e die [[10 Februarii]] [[1879]]) fuit scriptor de antiquitatibus [[Devonia]]e et architectura [[Anglia]]e. Alumnus fuit [[collegium ExoniensisExoniense (Oxonia)|collegii Exoniensis]] [[universitas Oxoniensis|Oxoniensium]]. Praedio paterno iuxta [[Buckfastleigh]] usque in [[1854]] habitavit; quo propter necessitatem venditato Cridiae postea morabat. Libros ''Selections from Early Ballad Poetry'' anno [[1842]], ''The Forest of Dartmoor and its Borders: an Historical Sketch'' anno [[1856]] edidit. Plura in serie itinerariorum comitatuum Anglicorum, ab [[Johns Murray (domus editoria)|Ioanne Murray]] divulgata, conscripsit. Opus autem praecipuum fuit ''Handbook to the Cathedrals of England'' quod ab anno 1861 usque in 1879 apud eundem editorem prodit. Sodalis fuit ab anno [[1874]] [[associatio Devoniensis|associationis Devoniensis]].
