Quantum redactiones paginae "Albertus Wallensteinius" differant

Filius parentum protestanticorum orbus ratione [[ecclesia Catholica|Catholica]] educatus est. In universitatibus [[Bononia]]e [[Papia]]eque studuit et itinera magna eum res omnes necessarias docebant. Anno 1626 [[gradisca (Italia)|Gradiscam]] e manibus [[venetiae|Venetianis]] liberavit una cum mercennariis. Anno 1617 autem baro, militaris praefectus et consiliarius aulicus in bellicis factus est. [[imperator Romanus Sacer|Imperatorem]] iuvit in seditionibus [[bohemia|Bohemicis]] et opes multas sibi e possessionibus publicatis paravit. Anno 1625 imperatori exercitum privatum obtulit, qui e milibus XL virorum consistebat. Ingenium splendidum in rebus militaribus moderationibus sat efficacibus auxit; insuper homines ducere ei in cunis datum erat. Non solum gravionem de Mansfeld apud [[Dessavia]]m devicit, [[Silesia]]m ab hostibus liberavit, [[Brandenburgum]], [[Pomerania Citerior|Pomeraniam]] et [[Megapolis-Pomerania Citerior|Megapolim]] occupavit sed etiam [[Dania|Danos]] e Germania expulsit.

 

 

Wallensteinio duce imperator in tota Germania regnare potuit duce [[bavaria|Bavarico]] excepto. Iste enim dux, Unionis Catholici praeses, auxilium a ministro [[francia|Francogallico]] [[Armandus Ioannes Plessaeus Richelaeus|Richelaeo]] petens, independentiam certam servare potuit. Insuper senatores et protestantes et Catholici de Wallensteinio plangentes via ducali Bavarica in diaeta [[ratisbona|Ratisbonensi]] imperatorem de Wallensteinii tyrannide certiorem faciebant.