Quantum redactiones paginae "Gaius (iuris consultus)" differant

* ''[[Institutiones]]'', [[enchiridion]] de [[ius privatum|iure privato]], unicum veteris [[iurisprudentiae]] opus nobis paene integrum per [[Palimpsestus|codicem rescriptum]] servatum. Ad tirones et studentes docendos, non ad prudentes destinabantur. Fortasse prima "ars" iuris huiusmodi in litteris Latinis fuerunt ː certe nullus titulus similis et anterior memoriae traditus est. Imitatores contra et posteritatem habuerunt, ut quas imitabantur (et earum inscriptionem mutuabantur) ''Institutiones'' [[Ulpianus|Ulpiani]] et ''Institutiones'' imperatoris Iustiniani, necnon epitomatores, ut ''Liber Gai'' [[Lex Romana Visigothorum|legi Romanae Visigothorum]] adnexus. Ipsum Gai opus diu et late floruit quoniam praeter praeclarum palimpsestum cuius scriptura ad quintum aut sextum saeculum referri solet fragmentum libri quarti in papyro cira [[200]] exaratumexarato in [[Aegyptus antiqua|Aegypto]] anno 1927 erutum est<ref>Pap. Oxy. XVII.2103.</ref>. Ac sex annis postea alterum fragmentum in pergameno circa 500 exaratum rursus in Aegypto inventum est<ref>PSI XI.1182 Cf. Dario Mantovani, ''Les juristes écrivains de la Roma antique'', 2018 ː 202-207 et Vicenzo Arangio-Ruiz, "PSI.1182 Frammenti di Gaio" in ''Studi epigrafici e papirologici'', 1974 ː 55-109.</ref> ː ita textus codicis rescripti confirmatus est et nonnullae lacunae suppleri potuerunt.