Quantum redactiones paginae "Stephanus Permiensis" differant

Sanctus '''Stephanus Permiensis''' ([[Russice]] ''Стефан Пермский'', [[Lingua Komiensis|lingua Komiensi]] ''Перымса Степан'') natus c. anno 1340 [[Ustiuga Magna|Ustiugae Magnae]] et mortuus die 26 Aprilis anni 1396 [[Moscua]]e, sanctus est [[Ecclesia Orthodoxa Russica|Ecclesiae Russicae orthodoxae]], quae memoriam eius colit die 26 Aprilis (vel 9 Maii calendario Gregoriano). Komienses adhuc [[Paganismus|paganos]] baptizavit, sacerdote eorum Pam in contentione de [[betula]] sacra victo. [[Lingua Graeca antiqua|Linguam Graecam]] edidicit et [[Sancta scriptura|sanctam Scripturam]] vertit lingua Komiensi, ad quam versionem abecedarium Komiense antiquum invenerit, [[Abur]] nominatum. [[Icon|Imaginem sacram]] pinxisse dicitur adhuc servatam, quam ''[[Trinitas Zyrianica|Trinitatem Zyrianicam]]''<ref>[[Russice]] ''Зырянская троица'', ''Zyrjanskaja Troitsa''.</ref> appellant. Anno [[1383]] [[episcopus]] [[Permia|Permiensis]] factus est.