Quantum redactiones paginae "Virgo Vestalis" differant
Content deleted Content added
Linea 4:
Si antiquis [[fabula|fabulis]] credimus, iam ante Urbem conditam fuere Vestales virgines, quoniam [[Rhea Silvia]], [[Romulus|Romuli]] mater, Vestalis fuit. Postea, [[Numa Pompilius]], secundus Romanorum rex, Vestalibus leges dedit. Ex eo tempore fuerunt primum quattuor, deinde sex, denique septem Vestales, inter viginti puellas delectae. Per triginta annos in foro Romano atrium Vestae habitabant, unum e praecipuis officiis illis erat ignis sacer in [[Vesta]]e aede alendus. Per id temporis spatium parere debebant. Puram vitam agebant, vetitae erant nubere. Propter gravissimam culpam, vel usque ad mortem verberabantur vel vivae in sepulcrum coniciebantur vel de rupe Tarpeia praecipitabantur. In summa tradunt duodecim aut, ut quidam scribunt, sex et viginti Vestales ita periisse. Supplicia tam dura paulatim rariora fiebant et pauci [[Imperator Romanus|imperatores]] incestas Vestales vivas sepeliendas adhuc iusserunt ut [[Domitianus]]<ref>[[Suetonius]], ''Domitianus'' VIII.</ref> et [[Caracalla|Caracallus]]... Non omnes tamen sacrosanctam castitatem earum verebantur : nam [[Caracalla|Caracallus]] unam e quattuor Virginibus quas supplicio adfecit ipse dehonestasse dicebatur<ref>[[Dio Cassius]], ''[[Historia Romana (Dio)|Historia Romana]]'' 78.16.</ref> et [[Elagabalus]] ad liberos 'diviniores' gignendos Vestalem Aquiliam Severam indignantibus omnibus uxorem duxit<ref>[[Dio Cassius]], ''[[Historia Romana (Dio)|Historia Romana]]'' 80.9.</ref> ! Maxima vero erat earum auctoritas: e. g. capitis damnato a Vestalibus auxilium petere licebat; tum magistratus vitae eius parcere debebant.
== De Vestalibus in iure civili ==
Vestalibus alia condicio Romae fuit atque ceteris mulieribus quae per totam vitam in manu sive patris sive mariti sive alii tutoris manebant<ref>Gaius, Institutiones I.144 ː ''Veteres enim voluerunt feminas, etiamsi perfectae aetatis sint, propter animi levitatem in tutela esse''</ref> ''exceptis virginibus Vestalibus, quas etiam veteres in honorem sacerdotii liberas esse voluerunt: Itaque etiam [[Duodecim tabulae|lege XII tabularum]] cautum est''<ref>Gaius, ''Institutes'' I.145.</ref>. Etenim ''Virgo Vestalis, simul est capta atque in atrium Vestae deducta et pontificibus tradita est, eo statim tempore sine emancipatione ac sine capitis minutione e patris potestate exit et ius testamenti faciundi adipiscitur''<ref>[[Aulus Gellius]] I.12.9</ref> (et adhuc impuberes a pontifice maximo capi solebant).
==Notae==
| |||