Quantum redactiones paginae "Damaratus Corinthius" differant

 

== De vita ==

Damaratus nobili [[Bacchidae|Bacchiadarum]] genere [[Corinthus|Corinthio]] ortus se commercio cum [[Etrusci]]s dedidit magnasque sibi divitias fecit mercium onera navibus suis exportando et importando. Cum [[Cypselus]] [[tyrannus]] Corinthi anno [[657 a.C.n.]] factus esset, Damaratus, quippe qui Bacchidarum genere ortus esset, periclitatum se arbitratus Coritho fugit [[Tarquinii|Tarquinios]], ubi multos numerabat amicos.<ref>Dionysius Halicarnassensis, ''Antiquitates Romanae'' 3.46.2; Cicero, ''De re publica'' 2.19.34.</ref><ref>Ampolo (1976/1977); Martínez-Pinna (2009: 22-24).</ref> Non ante demigrasse creditur Damaratus quam Templum Apollinis (templum vetus dictum) Corinthi aedificatum esset (id est anno fere 655 a.C.n.), namque Etruscorum aedes quaedam satis similem formae speciem habere videntur ac monumentum illud Corinthium.<ref>Williams (1980); Winter (2002: 229-230).</ref> Narrat enim Plinius Damaratum comitatos esse tres [[sculptura|fictores]]—Euchira ('Habilem'), Diopum ('Praefectum'), Eugrammum ('Delineatorem')—a quibus, ut fertur, [[ars plastica|plastice]] sive ars fingendi [[Italia]]e tradita est.<ref>{{Pnh}} 35.152. De Diopo, vide Cordano (1987).</ref>