Quantum redactiones paginae "Delphi (urbs Graeciae)" differant

* Chairephonti Atheniensi interroganti, num sit [[Socrates|Socrate]] homo sapientior, responsum est, neminem Socrate sapientiorem esse.<ref>[[Plato]], Apologia 21a-c et alii</ref>

* [[Cicero]] [[Ennius|Ennium]] sequens refert<ref>Cicero, de divinatione 2,56,116</ref> [[Pyrrhus|Pyrrho]] interroganti, num Romanos vincere posset, illud responsum anceps datum esse: ''Aio te, Æacida, Romanos vincere posse. / Ibis redibis nunquam per bella peribis''.

* Ultimum responsum notum anno [[362]] Pythia [[Iulianus|Iuliano]] regnante cuidam Oreibasio medico dedisse dicitur, qui iussu imperatoris oraculum consuluit sciscitans, quomodo res oraculi futurae essent. Cui Pythia respondisse fertur ''domum formosam cecidisse, Phoebo Apollini praesidium non iam esse, sacram laurum marcescere, fontes silere, murmur aquae obmutuisse.''<ref>Secundum [[Philostorgius|Philostorgium]], Historia ecclesiastica</ref>.

=== Philosophia ===

Templi aditus a tribus sententiis clarissimis ornatus fuisse fertur, nimirum γνῶθι σεαυτόν (nosce te ipsum) et μηδὲν ἄγαν (ne quid nimis) et Ἐγγύη πάρα δ᾽ ἄτη (vadimonium fert maerorem)<ref>[[Plato]], Charmides 164d–165a.</ref>, praeterea a littera "E", cuius significatio dubia est<ref>Hodge, A. Trevor. "The Mystery of Apollo's E at Delphi," American Journal of Archaeology, Vol. 85/1 (1981), pp. 83–84. Fons unicus est [[Plutarchus]]</ref>. Temporibus antiquis hae sententiae [[Septem sapientes|septem sapientibus]] attributae sunt,<ref>Plato, Protagoras 343a–b.</ref> an recte, disputatur.<ref>H. Parke and D. Wormell, The Delphic Oracle, (Basil Blackwell, 1956), vol. 1, pp. 387–389.</ref>